Levítico 10:17 - La'aqtaqa Ñim Lo'onatac 'Enauacna 2013

¹⁷ «¿Ta'ainco' ye saishet da huaigui ñi npe'l da qollequi aso nachetaqtaxanaqte maye sa imauaq da qaỹavigaxat? Ye asomaye ỹataqta sa qaishetapec, qataq Ñim Nataxala' qami' ỹanema da yaqto' qaỹapalaxat na lasouaxashetpi na Israel le'ecpi.

Levítico 10:17 Referans Kwoze

Números 18:1

Ñim Nataxala' 'enapega so Aarón, 'eeta': «'Am qataq na 'aỹa'alaqpi, nataqa'en na 'arhuo' le'ecpi maye chegoxoguet so Leví, qami' qapa'aiỹa'aguet da huo'o ca nasouaxashet ñi npe'l, qataq 'am, nataqa'en naua 'aỹa'alqa, maiche qapa'aỹeeguet da huo'o ca lasouaxashet na ntaxaỹaxanaxanecpi.

Éxodo 28:38

Qaq camaye nache latapshec 'anqa'en ñi Aarón, cha'aye ñi Aarón nacheñi ñi ỹaneuo qome na nasouaxashetpi da yaqto' qaỹapalaxat. Yaqto' Ñim Nataxala' ỹaỹamaxareeta aca lachetaqtaxanaqtepi na Israel le'ecpi.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Levítico 22:16

cha'aye namayepi da ỹashaxanec da lataxac ca nallec maye sa qaishetapec, nache iuen da ỹaneuo ca lachetaqtaxanaxat maye sa imauaq da qaỹavigaxat. Cha'aye Aỹem Nataxala' maye sanem namayepi da Aỹem do'onataxanot.»

Levítico 16:22

yaqto' que'eca quetaq da tauga ca toolec 'alhua, nache ỹachetac 'enauac nam qauemsat maye ỹo'ot na Israel le'ecpi.

Éxodo 28:43

yaqto' ñi Aarón qataq ñeua llalqa, nache ỹaatrañi caamaye da taua'alo ca npe'l maye huaña qome da nauaare' Ñim Nataxala', huo'otaq da taua'alo aca nca'atoxonaxalate da ỹacooleguete da lo'onataxanaxa'c, yaqto' qaica ca ne'enaxa'c qataq saishet da ileu'. Qaq 'era da chochaq tatec namaxasoxonaxac maye qoỹanem ñi Aarón, qataq cam chegoxoguetpi.»

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.