Levítico 10:11 - La'aqtaqa Ñim Lo'onatac 'Enauacna 2013

¹¹ qataq qauapaxaguiñic na Israel le'ecpi 'enauac da lataxac na nqataxacpi maye Ñim Nataxala' ỹan co'ollaxa ỹachegoxotchigui so Moisés.»

Levítico 10:11 Referans Kwoze

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Nehemías 8:8

Nache soomaye ỹataqta ỹataqtegue naqa'en da itaxaỹaxaatrac aso lmalate so lqataxacpi Ñim Lo'onatac 'Enauacna, qataq ỹataqta ỹa'axatteguelo naua lleco, yaqto' ishet da qaỹaỹateeteguet da ntaxaỹaxanataguec asomaye.

Nehemías 8:2

Qaq nache so la'auaxanec na'a'q so ca'agoxoic siete, nache so ntaxaỹaxanaxanec Esdras, ndouga aso lmalate so nqataxacpi se'eso lapoota'a't ỹalleppi, 'alpi, qataq so ñaqpiolec qataq 'enauac so mashe ỹaỹaten da na'axaỹaxanaxac,

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Deuteronómio 24:8

Qaq da huo'otaq huo'o ca nchega na lo'oc, nache qaupaquiichigui qome ca lapaxaguenataxanaxacpi na ntaxaỹaxanaxanecpi leviitapi. Yaqto' ipacchigui 'enauac da samaxalec namayepi.

1 Ts 4:2

Cha'aye qami' mashe qauaỹaañi na qarqataxacpi maye qami' sanaxama. Damaye sachegoxotaqo'ot So Qarataxala' Jesús.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Deuteronómio 33:10

Qataq somaye ỹapaxaguenec da 'alapaxañi lataxac so Jacob, qataq da 'arapaxaguenataxanaxac so Israel. Qataq 'Am taỹot naqa'en so nchenaxanaxat, qataq 'Am ỹanot so nachetaqtaxanaxat shiguiỹac maye qaỹavigaxatta.

Jeremías 2:8

Na ntaxaỹaxanaxanecpi qalaq saishet da aỹem nmitaique, nam ỹapaxagueetac nam ỹalamaxat nhuo' le'ecpi qalaq aỹem saỹauatton, nam nataxala'pi qalaq aỹem dataỹa'aguet, na na'aqtaxanaxanecpi qalaq ỹa'axattac da le'enaxat so Baal, nache ca'ategue na atamnaxala'pi maye qaica ca naigui.

2 Crónicas 30:22

Nache so Ezequías, ỹataqta ntootapeguec so leviitapi, souaxat da somayepi ỹachaxan da ỹataqta lhuotta da ỹo'oxoren Ñim Nataxala'. Qaq co'ollaq ime da ỹalectaua'a so nquia'axac maye huaiguilo se'esoua siete na'axa'te, da ỹaatapegueuo asom lachetaqtaxanaqtepi qanhuaachigui, qataq da ỹo'oxoreetac Ñim Nataxala' maye Natamnaxala' so hua'au lta'alpi.

2 Crónicas 17:9

Nache ỹachetrac aso nere maye huetalec na lqataxacpi Ñim Nataxala', da yaqto' ỹapaxaguen so shiỹaxauapi maye netaña ye Judá. Nache somayepi coleeteguelec 'enauac so huaqta'a't nỹecpi maye ỹotta'a't naua nañalo ye Judá, nache ỹapaxagueetac se'eso nhuo' le'ecpi.

Deuteronómio 17:10

nache qami', qaupaquiichigui da qauo'oche qome 'enauac na qami' qaỹapaxagueneque lataxac.

Deuteronómio 17:11

Qataq ỹataqta qauo'oche 'enauac cam qami' ỹapaxagueneque camayepi, qataq qoquiitelec da lataxac da nhuaxanaguec cam huo'o ca lasouaxashet, saishet da qauashaxañiiuec.

2 Crónicas 15:3

Qaq na Israel le'ecpi, mashe qaỹoqteguelo soua vi'iye da saishet da natamnot Ñim ỹoqta 'eesa Atamnaxala', qataq ca ntaxaỹaxanaxanec da ỹapaxaguen namayepi, qataq ca ỹapaxaguenec na nqataxacpi.