Levítico 1:4 - La'aqtaqa Ñim Lo'onatac 'Enauacna 2013

⁴ Qaq nache huaña yemaye da ỹashel-lec na lqaic que'eca shiguiỹac, yaqto' que'eca shiguiỹac qaỹaỹamaxareeta. Qataq nache chegoqchigui da qaỹapalaxat na lasouaxashetpi que'eca shiỹaxaua.

Levítico 1:4 Referans Kwoze

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

Levítico 4:20

nache ỹe'enaxatchigui da lataxac ca huaca maye ỹaneuo da lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca sa nanoma npe'enaxac namayepi.

Levítico 3:8

nache ỹashel-lec na lqaic. Ime, nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Ime, nache ñeua llalqa so Aarón icoroto naua laỹel añi nca'atoxonaxalate ca ltago'q.

Levítico 3:2

Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Éxodo 29:15

Qataq 'auacona ca 'oonolec caua qagueta, yaqto' ñi Aarón qataq ñeua llalqa ỹashel-leguete qome na lqaic que'eca shiguiỹac.

Éxodo 29:10

Qaq da ime, nache 'auauegueua'a ca lasom ca npe'l ca huaca llalec, yaqto' ñi Aarón qataq ñeua llalqa, ỹashel-leguete na lqaic que'eca shiguiỹac,

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Levítico 4:31

Ime, nache nqat 'enauac ca lcheta, ỹe'enaxatchigui da lataxac da nqat ca lcheta aca nachetaqtaxanaqte maye qanhuaachigui. Qaq ca ntaxaỹaxanaxanec, nache ỹavigaxat, ỹachalec añi nca'atoxonaxalate, yaqto' da ama laitaỹaxac ỹamaateguet Ñim Nataxala'. Qaq da nache 'eetec de'era ca ntaxaỹaxanaxanec, nache qaỹapalaxat ca npe'enaxac que'eca shiỹaxaua.

Éxodo 29:19

Ime, qataq 'auacona ca lỹa qagueta yaqto' ñi Aarón qataq ñeua llalqa ỹashel-leguete na lqaic camaye.

Filipenses 4:18

So Epafrodito aỹem ỹami' aso aỹem qanamaqỹa, qaq asomaye ỹataqta ỹapacauec. De'era qartaunaxanaxaqui ỹataqta ama da laitaỹaxac, 'ena'am da alaitaỹaxac aca nachetaqtaxanaqte maye qoỹanot Ñim Lo'onatac 'Enauacna da ỹataqta ỹamaateguet.

Isaías 56:7

nache Aỹem sauega qome añi sa qaishetapec ñeqasoxonaxa nache so'otec da machiguiñi da hueta'a añi ỹalamaqte atamnaxaqui. Qataq saconeguet qome da ỹachalec añi ỹalamaqte nca'atoxonaxalate ana lachetaqtaxanaqtepi qaỹavigaxatta qataq ana sa imauaq da qaỹavigaxat, cha'aye ñim ima' qaỹamata'ac qome da natamnaqa' 'enauac na shiỹaxauapi.

Números 15:25

Qaq da ime, nache ca ntaxaỹaxanaxanec ỹo'ot de'era lataxac da yaqto' qaỹapalaxat ca lasouaxashet na Israel le'ecpi. Huaña nache qaỹapalaxat ca lasouaxashet namayepi, cha'aye saq noma que'eca nasouaxashet, nache namayepi Aỹem ỹanot qome ca lachetaqtaxanaxat qaỹavigaxatta, qataq ca sa imauaq da qaỹavigaxat.

Levítico 16:24

Qataq huaña yemaye da nachel, qataq ỹaayiñi caua lỹa't alogo, ime qaq huenoxonec da ỹaneuo aca maiche lachetaqtaxanaqte maye qaỹavigaxatta, qataq aca lachetaqtaxanaqte na Israel le'ecpi, yaqto' qaỹapalaxat na lasouaxashetpi somaye qataq na ỹalecta'a't nhuo' le'ecpi.

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 9:7

Ime, nache so Moisés 'enapega so Aarón, 'eeta': «Ña 'anquigueua'a añi nca'atoxonaxalate, nache 'aỹa'aneuo aca 'arachetaqtaxanaqte maye sa imauaq da qaỹavigaxat, qataq aca 'arachetaqtaxanaqte qaỹavigaxatta. Nataqa'en 'aỹa'aneuo qome aca lachetaqtaxanaqte na Israel le'ecpi, yaqto' qaỹapalaxat na 'arasouaxashetpi qataq na lasouaxashetpi namayepi. Nache ipacchigui da lamaxasoxonaxac Ñim Nataxala'».

Levítico 8:22

Ime, nache so Moisés damaxasoxoneuga so lỹa qagueta maye nachetaqtaxanaxat, da huo'o ca qoỹanagui da lo'onataxanaxac. Nache so Aarón qataq soua llalqa ỹashel-leguete na lqaic somaye.

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Levítico 4:35

Ime, nache nqat 'enauac ca lcheta, ỹe'enaxatchigui naqa'en da lataxac da nqat na lcheta ca laỹepi qagueta nachetaqtaxanaxat maye qanhuaachigui. Qaq ca ntaxaỹaxanaxanec, nache npa'axatcheguem naqa'en acamaye da ỹavigaxat, ỹachalec añi nca'atoxonaxalate maye huetalec ca lỹa shiguiỹac maye nachetaqtaxanaxat qaỹavigaxatta. Qaq da nache 'eetec de'era ca ntaxaỹaxanaxanec, nache qaỹapalaxat ca lasouaxashet que'eca shiỹaxaua.

Levítico 4:29

Ime, nache ỹashel-lec na lqaic aca'aca quetaq, qataq ipelecot na lqosot huaña ye nalaataqa' na shiguiỹac maye nachetaqtaxanaxat qaỹavigaxatta.

Levítico 4:24

Nache ỹashel-lec na lqaic que'eca quetaq, qataq nache ỹalauat ipelecot na lqosot, ỹauaachigui naqa'en Ñim Nataxala', da huaña ye nalaataqa' ana nachetaqtaxanaqte maye qaỹavigaxatta, cha'aye nachetaqtaxanaxat maye sa imauaq da qaỹavigaxat.

Levítico 4:15

Huaña, nache na nqueroxonecpi maye lataxala'pi na Israel le'ecpi, ỹashel-lec na lqaic que'eca huaca. Ime, nache ipelecot na lqosot, huaña naqa'en ye lanataqa' Ñim Nataxala'.

Levítico 4:4

Qataq iroua'a ye ñegueuo ñi npe'l maye huaña naxa da qanauane' Ñim Nataxala' que'eca huaca, nache ỹashel-lec na lqaic. Ime, nache ipelecot na lqosot huaña naqa'en ye lanataqa' Ñim Nataxala'.

Levítico 3:13

nache ỹashel-lec na lqaic. Ime, nache ipelecot na lqosot, huaña naqa'en ye ñegueuo ñi npe'l maye huaña naxa da qanauane' Ñim Nataxala'. Ime, nache ñeua llalqa so Aarón, icoroto naua laỹel añi nca'atoxonaxalate ca ltago'q.

Hebreos 10:4

Cha'aye ne'enaua ltago'q na huaca lhuaraicpi qataq na quetaq lhuaraicpi maye qaỹavigaxattac, naamaye saishet da ỹañoxot da ỹapalaxat na nasouaxashetpi.

Romanos 5:11

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Números 15:28

Nache ca ntaxaỹaxanaxanec ỹo'ot de'era lataxac, da qaỹapalaxat ca lasouaxashet maye ilamaqalec que'eca shiỹaxaua, nache Ñim Nataxala' ỹapalaxat qome ca lasouaxashet camaye.

Números 8:12

Ime, nache na leviitapi ỹashel-lec na lqaic ca huaca llalaqpi, nache ca 'oonolec que'eca huaca llalaqpi, ỹaneuo da yaqto' qaỹapalaxat na lasouaxashetpi, qaq ca lỹa qalaq ỹanot Ñim Nataxala' da lachetaqtaxanaxat sa imauaq da qaỹavigaxatta.

Levítico 22:27

«Da ivita da ñiguiñi ca huaca llalec, qagueta llalec, quetaq llalec, nache camaye qaỹa'aqta'a da nache nnaictague' aca late'e caua siete na'axa'te, qalaxaye da ivi' ca na'a'q ocho, nache ishet da qaỹaconeguet da qaỹavigaxat da qoỹanot Ñim Nataxala'.

Levítico 22:21

Qaq da huo'o ca shiỹaxaua da ỹanot Ñim Nataxala' ca lachetaqtaxanaxat qanhuaachigui, huo'otaq souaxat da huo'o ca ỹan la'aqtac, huo'otaq ca lachetaqtaxanaxat maiche chegoqchigui da ỹan, nache camaye iuen da ỹaneuo ca huaca, huo'otaq qagueta qaica ca lque'emaxa da yaqto' qaỹaỹamaxareeta.

Levítico 6:7

Nache camaye ỹanot Ñim Nataxala' ca lachetaqtaxanaxat yaqto' Ñimaye ỹapalaxat ca lasouaxashet que'eca shiỹaxaua, huo'otaq ca lỹa huasoilec camaye, nache qaỹapalaxat.»

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Éxodo 28:38

Qaq camaye nache latapshec 'anqa'en ñi Aarón, cha'aye ñi Aarón nacheñi ñi ỹaneuo qome na nasouaxashetpi da yaqto' qaỹapalaxat. Yaqto' Ñim Nataxala' ỹaỹamaxareeta aca lachetaqtaxanaqtepi na Israel le'ecpi.

Éxodo 29:33

Qaq che'c camaye, cha'aye qoỹaneuo da yaqto' qaỹapalaxat na lasouaxashetpi, cha'aye mashe qoỹanema da huo'o naq 'eneque souaxat da lo'onataxanaxa'c da ntaxaỹaxanaxanaqa. Ỹoqo'oye saishet da anac ca chegaqauec da chec que'eca lapat, cha'aye camaye ỹataqta sa qaishetapec.

Levítico 4:33

Ime, nache ỹashel-lec na lqaic aca'aca qagueta, nache ipelecot na lqosot, cha'aye lachetaqtaxanaqte maye sa imauaq da qaỹavigaxat, huaña naqa'en ye nalaataqa' na shiguiỹac maye nachetaqtaxanaxat qaỹavigaxatta.

Números 8:10

Qaq da mashe hueta'a na leviitapi ye lanataqa' Ñim Nataxala', nache na Israel le'ecpi ỹashel-lec 'anqa'en na lqaic qome namayepi.

Ezequiel 45:15

Qaq nataqa'en aca qaguetapi: Aca doscientas qaguetapi qalaq qauacoñiiua'a aca 'oonole maye chegaqaña ca ỹataqta no'on lquia'aqa' maye huaña na Israel. Qaq acamayepi nache huaxaiguet qanqa'eñi ca nañiguishec ala da nachetaqtaxanaxat qaỹavigaxatta, qataq nachetaqtaxanaqte maye ỹa'axat da manaxac, maye qoỹaneuo da yaqto' qaỹapalaxat na nasouaxashetpi. Qaq 'era da ỹamaxasoxonaxac Aỹem Nataxala'.

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.