Levítico 1:15 - La'aqtaqa Ñim Lo'onatac 'Enauacna 2013

¹⁵ Nache ca ntaxaỹaxanaxanec iroua'a añi nca'atoxonaxalate, nache inoxonec ca lqaic, nache ỹavigaxat ỹachalec añi nca'atoxonaxalate. Qaq da ime da nlom na ltago'q da icorot na 'oonolec laỹe añi nca'atoxonaxalate,

Levítico 1:15 Referans Kwoze

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Salmos 22:21

Qataq aỹem 'anca'alaxateeguesop qome naua ala'api na llonpi, qataq aỹem 'eltaxaneguet ana lcouepi ne'ena huacapi.

Salmos 22:1

'Am Ñatamnaxala', 'am Ñatamnaxala', ¿ta'ainco' ye aỹem qoca'ai? ¿Qataq ta'ainco' ye 'am qaỹoqtaique da yaqto' aỹem 'anca'alaxatec? ¿Qataq ta'ainco' ye saishet da 'aua'axaỹalo naua ỹa'aqtaqa da 'am ñeỹeeto'ot?

Jueces 6:38

Qaq nache ipacchigui da 'eetec de'era. Nache so Gedeón co'ollaq ñisheguem so nte'etom so lỹa na'a'q, nache nlomtac so 'aỹa maye huetaigui so qagueta laue, nache ỹataqta nlaxatchigui naqa'en aso 'oonole ỹomaxaqui.

Salmos 73:10

Ỹoqo'oye na shiỹaxauapi ỹo'oxoreetac, cha'aye saishet da ỹanata ca lasouaxashet namayepi.