Jueces 9:54 - La'aqtaqa Ñim Lo'onatac 'Enauacna 2013

⁵⁴ Nache so Abimelec sa ỹaỹaloxon da iỹaxana so lo'ogoxonaxat lo'o, nache 'enapega 'eeta': «'anqatsheguem na 'ainec, nache aỹem 'aualauat, cha'aye sa saỹamaxaren da aỹem qaỹa'axatec da aỹem ỹalauat aso 'alo.» Nache so lo'ogoxonaxat lo'o ỹa'arapec, nache ỹapacaviigui naqa'en so lainec nache somaye ileu.

Jueces 9:54 Referans Kwoze

Jueces 9:55

Qaq so Israel le'ecpi co'ollaq ila'a da ileu so Abimelec, nache ỹe'eguelaxalo naua lma'ate.

1 Samuel 14:7

Nache so ltaua 'enapeco': 'Auo'ot qome 'enauac da 'arhuennataxa, cha'aye aỹem qaica ca shega da 'am setaunaua'a ca qonetapeguec.

1 Samuel 14:12

Nache saỹaỹaloxon da ỹa'alaqtaña so Jonatán qataq so ltaua somaye, 'eeta': «¡Ña qananaisheguema na souaqta'a, cha'aye huo'o da sauoqtaique qami' sa'aqtaxanaxama!» Nache so Jonatán 'enapego' so ltaua, 'eeta': «Aỹem 'anca'atasheguemgue qome, cha'aye Ñim Nataxala' ỹanem da loxonaxanaxac na Israel le'ecpi.»

1 Samuel 14:13

Nache so Jonatán nqapectasheguem da quisheguem, qaq so ltaua nache ca'attasheguemgue, huaña nache so Jonatán delogui' co'ollaxa so filisteopi, qaq som shiỹaxauapi maye nqalagoqtañi naqa'en somaye, nache so ltaua ipagaqnauec da ỹalauat.

1 Samuel 14:14

Nache se'eso hua'auñi l-loquiaxac so Jonatán qataq so ltaua, ỹalaua't co'ollaxa so veinte ỹalleppi, huangui se'eso sa lca'ague ñiguisheguem.

1 Samuel 14:17

Nache so saúl 'enapego' som nalleppi maye nnaictague'pi, 'eeta': Ñaq qaumichiñi aca ne'enaxat lmalate da yaqto' saỹatenaq negue't ca deqaptauec nam qaralamaxatpi. Nache co'ollaq qaimeten aso ne'enaxat lmalate, nache qailalec da deqaptrauec soua Jonatán qataq so lpaqtaxanaqte lo'o.

1 Samuel 16:21

Huaña nache so David nachaateua'a so Saúl, qaq nache neto'ot da do'onataxaatacot. Nache so Saúl ivitta'a da ỹataqta lauotaxat somaye, nache ỹauo'o lamaxashec.

1 Samuel 31:6

Qaq 'era da 'eetec da huaigui se'eso 'oonolec na'a'q da ileu so Saúl, qataq soua tres llalqa, qataq so lpaqtaxanaqte lo'o qataq 'enauac so nalleppi.

2 Samuel 1:10

Ỹoqo'oye aỹem ñiquigueua'a somaye, nache salauat, cha'aye mashe huañi nache saỹaten da saishet da nca'altauec. Ime, nache ñeqat ana naro'o da nta'a, qataq na lhuaxashec, nache 'am ñera'a 'am ỹataxala'.

2 Samuel 23:37

qataq so Selec, som Amón le'ec, qataq so Najaray, som Berot le'ec, som ltaua so Joab, maye llalec aso Seruyá,

1 Crónicas 10:4

Huaña, nache so Saúl, 'enapega so lpaqtaxanaqte lo'o, 'eeta': «'Anqatsheguem na 'ainec, nache aỹem 'aualauat, yaqto' saishet da aỹem ỹa'ashaxan qom aỹem nvita ne'ena shiỹaxauapi maye qaica ca la'anaxat na lo'oc.» Qalaxaye so lpaqtaxanaqte lo'o saishet da ỹo'ot de'era, cha'aye ỹataqta lta'araic da lcolanaxa, nache so Saúl ỹacona so maiche lainec, nache nqapaxanguit.

1 Crónicas 10:5

Qaq so npaqtaxanaqte lo'o co'ollaq ila'a da mashe ileu so Saúl, nache somaye nataqa'en nqapaxanguit so maiche lainec, nache ileu.

1 Crónicas 11:39

Selec, som amoniita, Najaray, maye lma' ye Berot, som no'ogoxonaxat lo'o maye ltaua so Joab, som llalec aso Seruyá,

Jueces 4:9

Nache aso Débora, 'enapeco': «Aja', 'am seca'ategue. Qalaxaye da ño'oxonnataguec de'era alaataxac, saishet qome da 'am talec, cha'aye Ñim Nataxala' ỹanem aca 'alo da loxonec ñi Sísara.» Huaña nache aso Débora nnaicapegue' so Barac da nqo'oora ye Cedes.

2 Samuel 1:7

Qaq somaye namata'ague na l-laq nache aỹem ila'a, nache aỹem iỹaxana. Nache ñeqo'ona da yaqto' so'ot ca aỹem ỹamaxalec.

2 Samuel 1:9

Nache somaye aỹem 'enapega, 'eeta': Ñaq aỹem 'anquigueua'a, nache aỹem 'aualauat, cha'aye mashe seleetapigui', qalaxaye saishet da ỹoqta seleu.