Jueces 9:5 - La'aqtaqa Ñim Lo'onatac 'Enauacna 2013

⁵ Nache taỹa ye Ofrá, ye lma' co'ollaxa so lta'a Yerubaal, nache hualec naqa'en aso coma' da ỹalauat so setenta lqaỹañecpi somaye, maye llalaqpi so lta'a. Qalaxaye nachesota so Yotán maye llalec na'asa so Yerubaal, da nqañoxooñi co'ollaxa, ỹoqo'oye ishet da datauec.

Jueces 9:5 Referans Kwoze

2 Crónicas 21:4

Qalaxaye so Jorán co'ollaq mashe naỹamaxalec da lo'onataxanaxac so lta'a, nache ỹalaua't soua lqaỹa't irolec so ỹeelonec, qataq nataqa'en huo'oi soua ỹalaua't nataxala'ate ye Israel.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Mateo 2:20

«Qoñisheguem, nache 'arỹa ye nogotolec, qataq nataqa'en aye late'e. Ime, nache 'avi'eguelaxa ye na'alhua na Israel le'ecpi, cha'aye mashe 'enauac da ileu yem huotaique da ỹalauat ye nogotolec.»

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

2 Reyes 10:17

Qaq co'ollaq choche ivireua'a ye Samaria so Jehú, nache ỹalauat 'enauac som chegoxoguetpi so Ajab, maye ñaq no'onañi co'ollaxa, nache ỹataqta nmatchiguiñi da ỹalauat somayepi. Qaq nache ipacchigui da la'aqtac Ñim Nataxala', maye ỹa'axat co'ollaxa so Elías.

Jueces 9:2

'Onaxaictaxa da qaunache 'enauac na shiỹaxauapi maye lma' na Siquén da ỹaỹamaxareeta peta'a da imauec na setenta llalaqpi so Yerubaal da qami' ilotegueto, qalqo' ỹaỹamaqchiguiñi da 'oonolec shiỹaxaua cam qami' ilo'oguelo. Qataq qauennachiỹa'a da maiche aỹem qarqaỹai.

Jueces 8:30

Nache ivi' setenta so llalaqpi, cha'aye qalota aso lhuapi.

Jueces 9:6

Qaq co'ollaq ime de'era, nache som lma' ye Siquén qataq ye Miló, laponqa' ye Siquén yem naña aso qo'oipaq late'erai maye huaqta'ai' so coma' maye sa qaishetapec, nache qoỹanagui da nta'a so Abimelec.

Jueces 9:18

qalaxaye qami', ỹataqta qanpa'aguiñiỹa so llalaqpi so ita'a, nache qanmachiichiguiñi so setenta llalaqpi da qaualauache, hualec qanqa'eñi aso coma', souaxat da qaỹa'añiỹagui da nta'a so Abimelec, maye llalec aso ỹaqauga lhua so Yerubaal, cha'aye souaxat da qarqaỹai somaye.

2 Reyes 10:7

Qaq co'ollaq ivira somayepi aso nere, nache ỹaconeua'a so setenta llalaqpi ỹalleppi so Ajab, nache icheguec so lqaicpi somayepi, ime nache ỹasaxangui aso npaqtapi se'eso nqaicpi, nache ỹamaxa ye Jezrel.

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

1 Reyes 1:12

Qaq da 'anshetaique da 'anca'alec, qataq so 'aỹa'alec Salomón, nache 'ana'axaỹaxana da iqataxac,

1 Reyes 1:21

Cha'aye qom ivita da 'aleu, da qaica ca 'aỹa'anagui da nta'a, nache so ỹalec Salomón qataq aỹem, qomi' qaỹalaua't qome.

2 Reyes 11:3

Qaq ivi' seis vi'iye co'ollaxa da qoỹoxottapiguiñi so Joás, qataq asom 'alo maye ilotague' somaye, netraigui aso atamnaxaqui maye lalamaqte Ñim Nataxala', qaq asom Atalía, nache ilotague' co'ollaxa yi'iye 'alhua.