Jueces 9:45 - La'aqtaqa Ñim Lo'onatac 'Enauacna 2013

⁴⁵ Qaq nache imauec se'eso na'a'q da so Abimelec iloquiaxaatac so lma' ye Siquén, ivitta'a da 'enauac ỹalauat, qataq ilaxachigui se'eso huaqta'a't nỹecpi. Ime, nache ỹasaxalec so toue.

Jueces 9:45 Referans Kwoze

2 Reyes 3:25

Huaña, nache ỹataqta nlaxaañi se'eso huaqta'a't nỹecpi maye naña yi'iye 'alhua, qataq ỹasaxalec so coma' so nanaxanaqa'pi yi'iye 'alhua, qataq ỹapolec 'enauac so chegoqtapiguingui so npaxaatasheguem 'etaxat, qataq iquesoq 'enauac aso ỹataqta no'on qo'oipaqpi. Nachesota so huaqta'a't nỹecpi ye Quir Jaréset da no'onañi, qalaxaye so npocnaxanaxat lo'opi coleesop co'ollaxa somaye nache loxonec.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Sofonías 2:9

Qaq Aỹem maye ñeca'altauec, 'enapec Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi; na Moab le'ecpi 'eeta'am qome ye Sodoma, qaq nam llalaqpi so Amón qalaq 'eeta'am qome ye Gomorra, nache yemaye ñaxaalec qome ana huoue le'enaxat poqo, qataq hualec qome na toue, qataq yemaye nache 'eetai' qome da toolec. Qaq cam no'onañi qome nam ỹalamaxat nhuo' le'ecpi, deuotaxanec qome yemaye, qataq nache nalec qome yi'iye 'alhua.»

Ezequiel 47:11

Qalaxaye na qa'aimpi qataq na lacalecpi, qalaq saishet qome da ama na 'etaxat, nacherata da ñi'iua na 'etaxat, qataq taiguet da qaỹachegoxotangui na toue.

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

1 Reyes 12:25

Qaq so Jeroboán, qaltaq no'oxoosheguem so huaqta'a't nỹecpi ye Siquén, maye nalec aye qasoxonaxapi ye Efraín, qaq somaye nache naña co'ollaxa yemaye. Ime, nache no'oxoosheguem nataqa'en ye Peniel.

Jueces 9:44

Nache so Abimelec qataq so nnaictague'pi alleppi, nqo'ona so lasom so lpaqtaxat se'eso huaqta'a't nỹecpi da nauan, qaq som laỹepi maye dos soua lpa'axaco iloquiaxan, nache ỹalauat se'eso shiỹaxauapi maye huetauga so no'onaxa.