Jueces 9:40 - La'aqtaqa Ñim Lo'onatac 'Enauacna 2013

⁴⁰ Qalaxaye so Abimelec icanapec somayepi, nache so Gaal dataueeguesop co'ollaxa somaye. Nache ỹataqta qalota so que'emaq qataq ileu, huaña so lasom so lpaqtaxat se'eso huaqta'a't nỹecpi.

Jueces 9:40 Referans Kwoze

1 Reyes 20:30

Qaq so laỹepi se'eso alleppi, nache datauec co'ollaxa taỹa ye Afec, qalaxaye so lpaqtaxat se'eso huaqta'a't nỹecpi, hua'axalec co'ollaxa se'eso veintisiete mil ỹalleppi maye datauecpi. Qaq so Ben Adad maye nataqa'en datauec co'ollaxa, nache ỹe'egueneua'a se'eso huaqta'a't nỹecpi, nache ỹataqta tateua'alo so nỹecpi da nqañoxottapiguiñi.

Jueces 9:39

Nache so Gaal ca'ateguet somayepi, qaq so lma' ye Siquén ca'ategue somaye da delogui' so Abimelec.

Jueces 9:41

Qaq so Abimelec nache naña co'ollaxa ye Aruma, qaq so Zebul qalaq ỹo'orauec so Gaal, qataq soua lqaỹa't ca'ai naqa'en ye Siquén.