Jueces 9:4 - La'aqtaqa Ñim Lo'onatac 'Enauacna 2013

⁴ Nache qoỹanem aso setenta anom plata maye qaỹachegoxotaigui aso atamnaxaqui maye netaigui so ne'enaqtac lqui'i so Baal Berit. Qaq nachaso aso desheetenaxana da isheeten som ỹalleppi 'etaxaloxoicpi da yaqto' ca'ategue somaye.

Jueces 9:4 Referans Kwoze

Jueces 8:33

Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

Hechos 17:5

Qalaxaye nataqa'en huo'o na judiopi nam saishet da da'amqaanataxan. Nache namayepi ỹataqta huo'o da lquiỹaxa soomaye, nache laỹona't nam shiỹaxauapi qauemaicpi maye qaica ca ỹo'ot, quetapeeguelo naua nqa'aico da inogoqchet. Nache nqo'ona ca lma' so Jasón da inoxottac, nmittaique so Pablo qataq so Silas da ỹauotaique da ỹaconeua'alo, nache ỹaneua'alo na shiỹaxauapi da yaqto' huo'o ca ỹo'ote'c sa ỹaỹamaxañi.

2 Crónicas 13:7

Nache huaxaiguet som shiỹaxauapi maye sa do'onataxanpi qataq qauemaicpi, nache dataỹa'aguet co'ollaxa so Roboán, som llalec so Salomón, qaq souaxat da somaye ña nsoqolec qataq saxanaxa da da'añigui ye lauel, nache saishet da dataỹa'aguet somayepi.

Jueces 11:3

Nache so Jefté dataueeguesop so lqaỹañecpi, nache nqo'ona ye Tob da yaqto' nache naña, huaña co'ollaxa da ỹalegoigui so 'etaxaloxoicpi, nache nnaictague' naxa da queuotapigui'.

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Da na'aqtaguec so Job 30:8

Ne'ena ỹalleppi qaica ca naigui, 'eeta'am da qaica ca lta'a, ỹataqta saq taiguet da netalec ne'ena 'alhua, ỹoqo'oye qaiuaxaatalec da qaỹo'orauec.

1 Samuel 22:2

Qataq nataqa'en 'enauac som saqaiyaqnapecpi, qataq som huo'o ana lavigaxaistepi, qataq som huo'o da nqui'ic da lquiyaqteỹaxac, huaxaiguet somaye da ỹauo'o lataxala'. Qaq nache ivi' cuatrocientos da ima'a't se'eso ỹalleppi.

2 Samuel 6:20

Qaq so David nataqa'en ỹe'eguelaxa so lma' da yaqto' ỹanem nataqa'en da nchoxonnataguec so llalaqpi, qaq aso Mical, asom llale so Saúl, ca'ata'aguet co'ollaxa so David, nache 'eeta': «¡Ỹataqta sa no'onolec nagui dam huaigui na nta'a na Israel, ye nqa't naua alogo da nachaxana 'enauac ana l-latapi na lamaxashecpi, qaica ca la'agaxa 'eeta'am ca choche shiỹaxauatto!»

Sofonías 3:4

Qaq na la'aqtaxanaxanecpi ỹataqta qaica ca iren, qataq tenataxanaxaicpi, qaq na ltaxaỹaxanaxanecpi qalaq ỹataqta sairen ye atamnaqa', qataq saỹaỹamaxatapec nam lqataxacpi Ñim Nataxala'.

Jueces 9:27

qaq soomaye tareuga co'ollaxa so lanaxanaqa' da nqat aso uva, da yaqto' ỹo'ot so lataxa, nache ỹo'ot so lta'araic lquia'axac, ime nache taua'a aso atamnaxaqui maye netaigui so atamnaxala'pi, nache deque'etac qataq nỹomtac, nache talec naqa'en na qauem la'aqtacpi so Abimelec.