Jueces 9:32 - La'aqtaqa Ñim Lo'onatac 'Enauacna 2013

³² Qaq ỹoqo'oye 'auanac qom mashe pe, 'annaicapegue' ca 'analleppi, nache qanqañoxochiỹoigui na no'onaxa.

Jueces 9:32 Referans Kwoze

Romanos 3:15

Ỹataqta sa qaỹaña da lalemataic qataq camachaqca ca ỹalauat.

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Salmos 36:4

Qataq da nnaatalec ca lmala', nache ỹaqataxaatapigui' da ỹo'ot na qauem, cha'aye saishet da ỹaxanec da qauem llecỹaxac, qataq saishet da ỹaxanec na qauemsat.

Jueces 9:31

Nache ỹoxottrañi soua lamaxa'she da ỹamaxa da la'aqtac so Abimelec, 'eeta': «¡Maxatchaxa qome, cha'aye ñi Gaal, maye llalec so Ebed, qataq ñeua lqaỹa't, huetra'a ye Siquén, nache detaqtapoigui ye shiỹaxauapi maye lma' yemaye da yaqto' 'am dataỹa'aguet.

Jueces 9:33

Qaq qom nte'etom, qom mashe nnoxoosheguem aso nala', nache 'auloquiaxan ye netaigui yi'iye huaqta'a't nỹecpi, qaq ca Gaal qataq cam laỹepi shiỹaxauapi qom 'am ca'ateguet da 'am delogui', nache maicheye ca qoneta'ac camaye.»

Josué 8:3

Nache so Josué naỹamaxat qataq 'enauac so nalleppi da yaqto' jec da iloquiaxan ye Ai. Nache lca'aua'a so treinta mil som ỹoqta alaataxaicpi, da yaqto' ỹamaq se'eso pe.

Josué 8:4

Nache ỹanem da la'aqtac, 'eeta': «Ñaq qana'axaỹaxañiichiguiñi. Qauesomiỹa, qoqui qalaxaye qoquiiteuo'oguet qome da qoshiỹa'ague ye huaqta'a't nỹecpi, qaq qom mashe saqaỹapeque yemaye nache qanqañoxochiiñi, qalaxaye nache qanaỹamaxaachiitai', yaqto' qami' lhuotte' da qauloqui.