Jueces 9:24 - La'aqtaqa Ñim Lo'onatac 'Enauacna 2013

²⁴ Qaq 'era da 'eetec da so Abimelec da nque'etaxangui so lasouaxashet, qataq so shiỹaxauapi maye lma' ye Siquén, souaxat da itauan co'ollaxa da ỹalauat so setenta llalaqpi so Yerubaal.

Jueces 9:24 Referans Kwoze

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

Salmos 7:16

Qaq nam qauem maye ỹo'ottac maiche talec qome namayepi, qataq maiche que'emaxam qome da l-loquiaxac.

Ester 9:25

qalaxaye aso Ester, co'ollaq nachaateua'a so nta'a, nache so nta'a ỹeyiñi so lamaxasoxonaxac, da 'enauac nam qauem lhuennataxacpi so Amán, da huotaique ỹo'otec so judiopi, da maiche talec so Amán. Qaq 'era da 'eetec da so Amán, qataq soua llalqa da qaicoñeldasheguemec co'ollaxa aso 'epaq.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Deuteronómio 27:25

Ỹataqta qauem qome ca talec nhuaxanaguec ca shiỹaxaua da ỹaconeguet aca nsheetenaqte da yaqto' ỹalauat ca qaica ca ỹasouaxat. Nache 'enauac qome na nhuo' le'ecpi, 'eeta': Aja', nache 'eetec.

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

Jueces 9:25

Qaq so lma' ye Siquén huo'o co'ollaxa so lamaxashecpi cachaxaicpi maye nqañoxottañipi, netalec añi qasoxonaxa, nache da huo'o naxa na nateuga so nqa'aic maye taalec so pa'asheguem añimaye nache nhuo'. Qalaxaye so Abimelec la'axaỹaxac co'ollaxa de'era.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

1 Reyes 2:33

Qaq de'era nasouaxashet souaxat da l-leuaxa soomaye, nache 'eetai' qome da huetalec so Joab, qataq cam chegoxoguetpi somaye. Qalaxaye da nlagaxayec maye chegoqo'ot Ñim Nataxala', nache 'eetai' qome da huetalec so David, qataq na llalaqpi, qataq da lo'onataxanaxac da nta'a.

Salmos 7:17

Aỹem qalaq sho'oxoren Ñim Nataxala', cha'aye Ñimaye nalochiyiñi da lataxac naua ỹo'o't, qataq so'on da le'enaxat Ñim Nataxala', maye Nataỹaña 'enauacna.