Jueces 9:21 - La'aqtaqa Ñim Lo'onatac 'Enauacna 2013

²¹ Qaq co'ollaq ime da 'enapec de'era so Yotán, nache datauec taỹa ye Ber, qaq nache naña yemaye, cha'aye ỹataqta ñi'iỹa so lqaỹa Abimelec.

Jueces 9:21 Referans Kwoze

Números 21:16

Qataq chegoqchiguiña co'ollaxa yemaye da taỹa ye Ber. Qaq nache naña yemaye aso nshere, maye huaña co'ollaxa da Ñim Nataxala' 'enapega so Moisés, 'eeta': «'Alaỹona't qome na shiỹaxauapi yaqto' sanem ca 'etaxat.»

2 Samuel 20:14

Qaq so Sebá nmatta co'ollaxa da quetagui 'enauac so Israel le'ecpi, ivitta'a ye Abel Betmacá, nache 'enauac so maiche lalamaxat lauo' le'ecpi so Bicri lapona't, nache nataqa'en ca'ategue somaye.

Josué 19:8

nache nataqa'en 'enauac so nma'piolec maye nañapi som saqaỹape ye Baalat Ber, maye nacheye ye Ramat, maye huaigui ye Néguev. Qaq 'eso som 'alhuapi maye taỹot da lalamaxat qanqa'en so llalaqpi so maiche nhuo' le'ecpi maye chegoxoguetpi so Simeón.

Jueces 9:20

Qalaxaye qom saishet da nache 'eetec de'era, nache da layeloxo ñi Abimelec, nmichiguiñi naqa'en qome na lma' na Siquén qataq ye Miló, qaq da layeloxo na Siquén qataq ye Miló nache chegaqaigui qome da imeuo naqa'en so Abimelec.»

Jueces 9:22

Qaq so Abimelec co'ollaq inoxoorec soua tres vi'iye da ilotague' so Israel le'ecpi,