Jueces 9:20 - La'aqtaqa Ñim Lo'onatac 'Enauacna 2013

²⁰ Qalaxaye qom saishet da nache 'eetec de'era, nache da layeloxo ñi Abimelec, nmichiguiñi naqa'en qome na lma' na Siquén qataq ye Miló, qaq da layeloxo na Siquén qataq ye Miló nache chegaqaigui qome da imeuo naqa'en so Abimelec.»

Jueces 9:20 Referans Kwoze

Jueces 9:15

Qalaxaye asa'aso ỹaxat 'enapego' aso qo'oipaqpi, 'eeta': Da ỹoqta 'eesa da qauauoitaique da aỹem qarta'ai, nache qauanaqui da qoviỹo'ot na ipaqal. Qalaxaye da saishet da aỹem qaualaqaiguet, huaña qome nache aỹem chegaqaigui ca norec, maye ỹavigaxat 'enauac aye cedropi maye huaña ye Líbano.

Salmos 140:10

Ñaq talec qome namayepi aca poqo 'ettaigui, qaỹasaxangui qome ca norec, qataq aca nshere maye qaỹoqchiguingui, yaqto' saishet da qaltaq ñe'eguelaxasheguem.

Salmos 28:4

'Aỹa'anem qome namayepi ca 'itchiguiñi nhuaxanaguec, ipacchigui 'anqa'en na qauem maye ỹo'ottac, qataq 'aỹa'aneguet 'enauac na qauemsat maye ỹo'ottacpi.

Jueces 9:23

nache Ñim Lo'onatac 'Enauacna, taigui naqa'en so saqcha'a na'añaxac qauemaic so shiỹaxauapi maye lma' ye Siquén, da yaqto' dataỹa'aguet naqa'en so Abimelec.

Jueces 7:22

Qaq se'eso trescientos Israel le'ecpi, nache quetot da ỹashettapigui aso lasheerepi peenaq lcouepi, nache Ñim Nataxala' ỹo'otec so madianiitapi da maiche taỹa't da nalaara't qataq datauec, nache taỹa ye Bet Sitá, qataq taỹa'a ye Sererá, maye loga't ye Abel Meholá maye huaqta'ai' ye Tabat.

Jueces 9:6

Qaq co'ollaq ime de'era, nache som lma' ye Siquén qataq ye Miló, laponqa' ye Siquén yem naña aso qo'oipaq late'erai maye huaqta'ai' so coma' maye sa qaishetapec, nache qoỹanagui da nta'a so Abimelec.

Jueces 9:19

Qalaxaye nagui qami' shenapegalo: ¡Da ỹoqta 'eesa da ỹaỹamaqchiguiñi, qataq da ỹoqta lataxac qanqa'eñi da qauo'ochec so Yerubaal qataq na llalaqpi, nache ñi Abimelec ỹataqta qami' machiyiñi naqa'en qome, qataq ñimaye ỹataqta machiguiñi qanqa'aiñi!

Jueces 9:21

Qaq co'ollaq ime da 'enapec de'era so Yotán, nache datauec taỹa ye Ber, qaq nache naña yemaye, cha'aye ỹataqta ñi'iỹa so lqaỹa Abimelec.

Jueces 9:44

Nache so Abimelec qataq so nnaictague'pi alleppi, nqo'ona so lasom so lpaqtaxat se'eso huaqta'a't nỹecpi da nauan, qaq som laỹepi maye dos soua lpa'axaco iloquiaxan, nache ỹalauat se'eso shiỹaxauapi maye huetauga so no'onaxa.