Jueces 9:2 - La'aqtaqa Ñim Lo'onatac 'Enauacna 2013

² 'Onaxaictaxa da qaunache 'enauac na shiỹaxauapi maye lma' na Siquén da ỹaỹamaxareeta peta'a da imauec na setenta llalaqpi so Yerubaal da qami' ilotegueto, qalqo' ỹaỹamaqchiguiñi da 'oonolec shiỹaxaua cam qami' ilo'oguelo. Qataq qauennachiỹa'a da maiche aỹem qarqaỹai.

Jueces 9:2 Referans Kwoze

Jueces 8:30

Nache ivi' setenta so llalaqpi, cha'aye qalota aso lhuapi.

Génesis 29:14

Nache so Labán 'enapeco': «Ỹoqta 'eesa da maiche 'am ỹalamaxat ihuo' le'ec.» Qaq so Jacob, nache na'asop so Labán inoxootec so 'oonolec ca'agoxoic.

Hebreos 2:14

Qomi' sachegoxosoxoigui ca shiỹaxaua maye huo'oi naua ltago'q qataq naua lpi'ineqa. Ỹoqo'oye So Jesús maiche lhuennataxac da shenaqta'am naqa'en. Cha'aye da nache 'eetec de'era, nache ishet da ileu da yaqto' nauec so pa'aguenataxanaxaic maye huo'o da la'añaxac da ỹalauat ca ỹale qataq aca 'alo.

1 Crónicas 11:1

Huaña nache 'enauac so Israel le'ecpi, laỹona't da yaqto' nqo'ona da na'aqtaxane' so David, huaña ye Hebrón. Qaq huaña yemaye, nache somayepi 'enapega, 'eeta': «Qomi', maiche qomi' 'arhuo' le'ecpi,

Efesios 5:30

Cha'aye ỹoqta 'eesa da ñi 'oonolec da shenaqta ña'araqtaua'a na 'amqaanataxanaxaicpi maye lo'ocỹaxac So Cristo.

2 Samuel 19:13

Nataqa'en qoñiỹapega qome ca Amasa, qoñiita': ¿Saisheto' peta'a da saq maiche 'am ihuo' le'ec? Ỹoqo'oye ne'enaua na'axa'te, 'am sanagui qome da lo'onataxanaxac so Joab, nache 'am lataxala' na ñalleppi. Qaq da sa sepaguelec de'era ỹa'aqtac, nache Ñim Nataxala' ỹataqta lta'araic qome naqa'en ca ñeuaxanaguec.

Jueces 9:5

Nache taỹa ye Ofrá, ye lma' co'ollaxa so lta'a Yerubaal, nache hualec naqa'en aso coma' da ỹalauat so setenta lqaỹañecpi somaye, maye llalaqpi so lta'a. Qalaxaye nachesota so Yotán maye llalec na'asa so Yerubaal, da nqañoxooñi co'ollaxa, ỹoqo'oye ishet da datauec.

Jueces 9:18

qalaxaye qami', ỹataqta qanpa'aguiñiỹa so llalaqpi so ita'a, nache qanmachiichiguiñi so setenta llalaqpi da qaualauache, hualec qanqa'eñi aso coma', souaxat da qaỹa'añiỹagui da nta'a so Abimelec, maye llalec aso ỹaqauga lhua so Yerubaal, cha'aye souaxat da qarqaỹai somaye.