Jueces 8:6 - La'aqtaqa Ñim Lo'onatac 'Enauacna 2013

⁶ Qalaxaye so lataxala'pi so lma' ye Sucot, 'enapeco': ¡'Ena'amctoxo' da mashe 'auacheyiñi caua Zebaj qataq ca Salmuná, da yaqto' sequia'axanaq na 'analleppi!

Jueces 8:6 Referans Kwoze

1 Reyes 20:11

Nache so nta'a ye Israel, ỹasateguet somaye, 'eeta': «Saishet qome da 'aua'alaqtai' qom ñaq saxanaxa da 'auauegaxan.»

Filipenses 2:21

Cha'aye 'enauac nam laỹepi ime'eguet da ỹo'ottac nam maiche lalamaxatpi, qaq de'era saishet da nachera da laỹamaxannatac So Jesucristo.

Proverbios 18:23

Da detaqa ca choxoraq qalaq nachoxoreeteueguelo naua la'aqtaqa, qaq ca sallaxanec da ỹasat qalaq sansatte' na la'aqtaqa.

2 Reyes 14:9

Qalaxaye so Joás, maye nta'a ye Israel, ỹasateguet so Amasías, nache ỹamaxa da la'aqtac, 'eeta': «Aso cotaque maye naña ye Líbano, ỹamaxa da la'aqtac aso cedro, 'eeta': ‹Ñaq 'aỹa'anem taxa so ỹalec aso 'aỹa'ale da yaqto' lhua.›» Qalaxaye nateuga co'ollaxa yi'iye so shiguiỹacpi maye chegaqa'a ye Líbano, nache pigui asa'aso cotaque.

Jueces 8:15

Huaña nache so Gedeón nqo'ona so nataxala'pi ye Sucot nache 'enapega, 'eeta': ¡'Ena na Zebaj qataq na Salmuná! Naua huo'omshe aỹem qavi'iñiitac co'ollaq choche nalotauo na ñalleppi souaxat na lasamaxa, nache qoñiita: ¿'Ena'amctoxo' da mashe 'auacheyiñi soua Zebaj qataq so Salmuná, da yaqto' sequia'axanaq na 'analleppi?

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Génesis 37:25

Qaq ime co'ollaxa, nache soomaye nso'ooyiñi da deque'e'. Qaq co'ollaq namatrashegue'm nache ilora'aguet so nmenaxaicpi ismaeliitapi, maye chegaqa'a ye Galaad, qaq aso lalo cameellopi qalaq ỹachetac so coraxatpi, qataq so qo'oipaq lcha'q le'enaxat bálsamo, qataq so mirra, da yaqto' ira'a ye Egipto.

Génesis 25:13

Qaq 'enaua naua le'enaqa'ate soua llalqa so Ismael, da naneraguec chegoqchiguiña qanqa'en so ỹe llalec: Nebayot, Cedar, Adbel, Mibsán,

Jueces 8:5

nache so Gedeón co'ollaq ivita ye Sucot, nache 'enapega som shiỹaxauapi maye lma' yemaye, 'eeta': «Ñaq aỹem qanqouaquiic da qaỹa'añim ca nallec na ñenaictague'pi da yaqto' deque'e, cha'aye namayepi ỹataqta sa nasamñi. Cha'aye qomi' secanaqta'ape caua Zebaj qataq Zalmuná, maye lta'al na madianiitapi.»