Jueces 8:5 - La'aqtaqa Ñim Lo'onatac 'Enauacna 2013

⁵ nache so Gedeón co'ollaq ivita ye Sucot, nache 'enapega som shiỹaxauapi maye lma' yemaye, 'eeta': «Ñaq aỹem qanqouaquiic da qaỹa'añim ca nallec na ñenaictague'pi da yaqto' deque'e, cha'aye namayepi ỹataqta sa nasamñi. Cha'aye qomi' secanaqta'ape caua Zebaj qataq Zalmuná, maye lta'al na madianiitapi.»

Jueces 8:5 Referans Kwoze

Génesis 33:17

Qaq so Jacob, qalaq taỹa ye Sucot. Qaq huaña yemaye nache ỹo'ot so lma', qataq ỹa'ara't so lpe'l so lalopi. Qaq ỹoqo'oye, yi'iye 'alhua ỹanagui da le'enaxat Sucot.

Salmos 60:6

Ñim Lo'onatac 'Enauacna ỹan da la'aqtac huaña so npe'l maye lanataqa', 'eeta': «Ỹataqta samachiguiñi qom ivita da secolaxatapigui na 'alhua ye Siquén, qataq da sanec na ca'amapega't 'alhuapi ye Sucot.

1 Samuel 25:18

Nache aso Abigaíl ỹataqta sa ỹaỹaloxon da laỹona't aso doscientos nauole 'ayiiña, qataq soua dos lo'oc maye laỹe' so lataxa, qataq soua cinco qagueta nauole, qataq cuarenta kilos aso ntoñiguishe ala na nañiguishec, qataq cien aso nqaxaỹaqta uva, qataq doscientos aso nauolepi maye lalegue ala ana hiigo nqaxaỹaqta. Nache 'enauac somayepi ỹasaxalec so 'ashenapi.

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Génesis 14:18

Qaq nataqa'en so Melquisedec som nta'a ye Salén, qataq ntaxaỹaxanaxanec da qaitaxaỹapegue' Ñim Lo'onatac 'Enauacna maye Nataỹaña 'Enauacna, somaye ỹacona aso nauole qataq so lataxa,

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 8:12

Nache so Zebaj qataq so Zalmuná datarec co'ollaxa, qalaxaye so Gedeón icana'ape, nache ivitta'a da loxonqa. Qaq so nalleppi qalaq ỹataqta ñi'i.

Jueces 8:15

Huaña nache so Gedeón nqo'ona so nataxala'pi ye Sucot nache 'enapega, 'eeta': ¡'Ena na Zebaj qataq na Salmuná! Naua huo'omshe aỹem qavi'iñiitac co'ollaq choche nalotauo na ñalleppi souaxat na lasamaxa, nache qoñiita: ¿'Ena'amctoxo' da mashe 'auacheyiñi soua Zebaj qataq so Salmuná, da yaqto' sequia'axanaq na 'analleppi?

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.