Jueces 8:33 - La'aqtaqa Ñim Lo'onatac 'Enauacna 2013

³³ Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

Jueces 8:33 Referans Kwoze

Jueces 9:46

Nache som hueta'a ye naña aso late'erai nalloxolate ye Siquén, co'ollaq la'axaỹaxac de'era ỹo'ot so Abimelec, nache nqañoxotoigui aso atamnaxaqui maye pa'aỹaigui asomaye, maye netaigui so atamnaxala' Berit.

Jueces 9:4

Nache qoỹanem aso setenta anom plata maye qaỹachegoxotaigui aso atamnaxaqui maye netaigui so ne'enaqtac lqui'i so Baal Berit. Qaq nachaso aso desheetenaxana da isheeten som ỹalleppi 'etaxaloxoicpi da yaqto' ca'ategue somaye.

Jueces 2:19

Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.

Jueces 8:27

Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.

Jueces 2:17

Qalaxaye so Israel le'ecpi ñaqaiyeta saishet da ỹoqocha'a se'eso nataxala'pi, nacherata da nañaneguet da natameetacot so ỹaqa'a atamnaxala'pi, nache ca'ai da llecỹaxac som hua'au lta'alpi, maye ỹataqta ỹalaxaleguete co'ollaxa naua lamaxasoxonaxaco Ñim Nataxala', qaq somayepi nache saishet da ilolec da lataxac somayepi.

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

2 Reyes 12:2

Qaq nam ỹo'otpi so Joás, ỹataqta ỹaỹamaxareeta Ñim Nataxala', cha'aye somaye ỹataqta quetegue nam lapaxaguenataxanaxacpi so ntaxaỹaxanaxanec Joyadá.

Jueces 9:27

qaq soomaye tareuga co'ollaxa so lanaxanaqa' da nqat aso uva, da yaqto' ỹo'ot so lataxa, nache ỹo'ot so lta'araic lquia'axac, ime nache taua'a aso atamnaxaqui maye netaigui so atamnaxala'pi, nache deque'etac qataq nỹomtac, nache talec naqa'en na qauem la'aqtacpi so Abimelec.

Josué 24:31

Qaq so Israel le'ecpi, do'onataxaatacot co'ollaxa Ñim Nataxala' co'ollaq ñaq nca'altauec so Josué, qataq co'ollaq ñaq qaỹatatalec so nqueroxonecpi nataxala'pi, maye nataqa'en ỹauaachigui 'enauac nam ỹo'otpi Ñim Nataxala' maye ỹo'otec co'ollaxa so Israel le'ecpi.

Jueces 2:12

Nache ca'ai Ñim Nataxala', Ñim Natamnaxala' so hua'au lta'alpi maye nqateeguesop co'ollaxa ye Egipto, nache ỹataqta nañaneguet da natameetacot so natamnaxala'pi so shiỹaxauapi maye lauoreuapi, nache inogoqchet Ñim Nataxala'.

Jueces 8:32

Qaq so Gedeón ileu co'ollaq mashe ỹa'axaiquiolec. Nache qailaroigui aso nhuachiqui so lta'a Joás, maye naña ye Ofrá, ye lma' som chegoxoguetpi so Abiezer.

Jeremías 23:27

Qaq na lchoxonaxacpi maye ỹa'axattapeguem na laỹepi, nachena nam huotaique da ỹachegoxotchigui, da na ỹalamaxat nhuo' le'ecpi Aỹem icoua'ai, 'eeta'am co'ollaxa som hua'au lta'alpi, da aỹem icoua'ai nache ca'ategue so Baal.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.