Jueces 8:32 - La'aqtaqa Ñim Lo'onatac 'Enauacna 2013

³² Qaq so Gedeón ileu co'ollaq mashe ỹa'axaiquiolec. Nache qailaroigui aso nhuachiqui so lta'a Joás, maye naña ye Ofrá, ye lma' som chegoxoguetpi so Abiezer.

Jueces 8:32 Referans Kwoze

Génesis 25:8

qaq somaye choche ilem da lqueroxo, co'ollaq mashe ỹataqta ỹa'axaiquiolec. Qaq huaña, nache ỹalegoigui som hua'au lta'alpi.

Da na'aqtaguec so Job 5:26

Ỹataqta 'avitta'a da 'am ỹa'axaiquiolec, nache 'avira aca 'anhuachiqui, qataq qoneta'am aca naqta ala ca 'auaxa maye ỹataqta ỹeta.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Génesis 15:15

Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Da na'aqtaguec so Job 42:17

Nache so Job ivira'a da ỹataqta ỹa'axaiquiolec co'ollaq ileu.

Jueces 8:27

Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.

Jueces 8:31

Qaq aso ỹaqauga lhua somaye maye naña ye Siquén, nataqa'en huo'o so llalec, nache somaye ỹanagui da le'enaxat Abimelec.

Jueces 8:33

Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

2 Samuel 2:32

Qaq so nalleppi so Joab, ỹacoosop co'ollaxa so Asael, nache ira'a ye Belén da ilaroigui aso nhuachiqui so lta'a, qaq somayepi palom co'ollaxa da queta petañi. Qaq so mashe yaqta'a da yo'oxoñi, nache ivita ye Hebrón.