Jueces 8:30 - La'aqtaqa Ñim Lo'onatac 'Enauacna 2013

³⁰ Nache ivi' setenta so llalaqpi, cha'aye qalota aso lhuapi.

Jueces 8:30 Referans Kwoze

Jueces 9:5

Nache taỹa ye Ofrá, ye lma' co'ollaxa so lta'a Yerubaal, nache hualec naqa'en aso coma' da ỹalauat so setenta lqaỹañecpi somaye, maye llalaqpi so lta'a. Qalaxaye nachesota so Yotán maye llalec na'asa so Yerubaal, da nqañoxooñi co'ollaxa, ỹoqo'oye ishet da datauec.

Jueces 9:2

'Onaxaictaxa da qaunache 'enauac na shiỹaxauapi maye lma' na Siquén da ỹaỹamaxareeta peta'a da imauec na setenta llalaqpi so Yerubaal da qami' ilotegueto, qalqo' ỹaỹamaqchiguiñi da 'oonolec shiỹaxaua cam qami' ilo'oguelo. Qataq qauennachiỹa'a da maiche aỹem qarqaỹai.

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

Deuteronómio 17:17

Qataq camaye saishet qome da qalota aca lhuapi yaqto' saishet da dasheuec da lquiyaqteỹaxac, qataq saishet da ỹapagaqnauec da laỹootasheguem ca oro qataq ca plata.»

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

2 Reyes 10:1

So Ajab, ivi' setenta so llalaqpi netaña ye Samaria, qaq ỹoqo'oye so Jehú ỹo'ot co'ollaxa aso lerepi da ỹamaxa ye Samaria, taỹa'a som ỹoqta nataxala'pi ye Jezrel, qataq so nqueroxonecpi, qataq som ilotague'pi som llalaqpi so Ajab, nache 'eeta':

Jueces 12:14

Nache ivi' soua ocho vi'iye da nataxala'. Qaq so Abdón ivi' co'ollaxa cuarenta so llalaqpi, qataq treinta so laualpi, qaq ñi 'oonolec somayepi nnotaxala' naxa na 'ashena.

Jueces 12:9

qaq somaye ivi' treinta so llalaqpi ỹalleppi, qataq treinta aso llalpi 'alpi. Nache 'enauac somayepi da huaroneguet naqa'en som chegaqauecpi. Qaq so Ibsán ivi' soua siete vi'iye da lataxala' so Israel le'ecpi,

Jueces 10:4

Qaq so Yaír, ivi' treinta so llalaqpi, qaq ñi 'oonolec somayepi nnotaxala' naxa na maiche lalamaxat 'ashena, qataq ñi 'oonolec somayepi ilotague' so maiche lalamaxat lma' maye huaigui ye Galaad. Qaq nache ivitta'a nagui yi'iye lma'pi da qaỹamata'ac da le'enaxat «Ye Lma'pi so Yaír.»

Éxodo 1:5

Qaq da ima'a't se'eso shiỹaxauapi maye chegoxoguetpi so Jacob, nache ivi' setenta. Qaq so José qalaxaye nache 'eetai' da netaña ye Egipto.

Génesis 46:26

Qaq 'enauac som chegoxoguetpi so Jacob som lỹateuo co'ollaq ivira ye Egipto, da ima'a't nache ivi' sesenta y seis, qaq sa qanaloqneuo aso lhuapi so llalaqpi.

Génesis 7:7

Qaq huaña co'ollaxa nache inoxonoigui aso notaxaqui, lỹatreuo soua llalqa, lhua, qataq soua latel, da yaqto' naneltaxaareguet so auot lta'araic.

Génesis 2:24

Qaq ỹoqo'oye ca ỹale ca'ai qome ca lta'a qataq aca late'e, da yaqto' lmayaxaua aca lhua, nache caamaye 'eeta'am da 'oonolec shiỹaxaua.

Jueces 8:31

Qaq aso ỹaqauga lhua somaye maye naña ye Siquén, nataqa'en huo'o so llalec, nache somaye ỹanagui da le'enaxat Abimelec.

Jueces 9:18

qalaxaye qami', ỹataqta qanpa'aguiñiỹa so llalaqpi so ita'a, nache qanmachiichiguiñi so setenta llalaqpi da qaualauache, hualec qanqa'eñi aso coma', souaxat da qaỹa'añiỹagui da nta'a so Abimelec, maye llalec aso ỹaqauga lhua so Yerubaal, cha'aye souaxat da qarqaỹai somaye.

Jueces 9:1

So Abimelec maye ỹaqauga llalec so Yerubaal, somaye taỹa ye Siquén da yaqto' detaxaỹapegue' som lauo' le'ecpi maye maiche lqaỹañecpi aso late'e. Nache 'enapego' somayepi, 'eeta':