Jueces 8:28 - La'aqtaqa Ñim Lo'onatac 'Enauacna 2013

²⁸ Qaq 'era da 'eetec so Israel le'ecpi da maiche ỹoiqueetac cam ỹataxaateuga so madianiitapi, nache so madianiitapi saishet da ỹoltaq nauaqsheguem, ivittrauec soua cuarenta vi'iye. Qaq co'ollaq ñaq nca'altauec so Gedeón nache huo'o da nlagaxayec se'eso 'alhua.

Jueces 8:28 Referans Kwoze

Jueces 5:31

¡Qaq 'era da 'eetec qom 'aulaxachigui 'am Nataxala', 'enauac na 'ampa'aguenaxauapi. Qalaxaye da la'añaxac nam 'am ỹauotec, qalaq 'ena'am na le'eraxa añi nala' da nnoxonec!» Qaq co'ollaq ime de'era, nache se'eso 'alhua huo'o da nlagaxayec inoxootrec soua cuarenta vi'iye.

Jueces 3:11

Qaq co'ollaq ime de'era, nache ỹataqta huo'o da nlagaxayec se'eso 'alhua imattrec soua cuarenta vi'iye, ivitta'a da ileu so Otoniel.

Isaías 10:26

Ñim Nataxala' maye Qaica ca Ỹaqalanapec ỹauo'o qome ca nhuaxanaguec yemayepi, 'eeta'am da 'eetec co'ollaq loxonec so Madián le'ecpi co'ollaq huaña añi coma' maye le'enaxat Oreb, qataq ỹachaxana da la'añaxac da dataỹa'aguet ye Asiria, 'eeta'am co'ollaq ỹachaxana da la'añaxac da dataỹa'aguet ye Egipto.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Jueces 3:30

Qaq 'era da 'eetec co'ollaxa da so Israel le'ecpi nauec so Moab le'ecpi. Qaq co'ollaq ime de'era, nache huo'o da nlagaxayec se'eso 'alhua imattrec soua ochenta vi'iye.

Jueces 8:27

Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.

Jueces 8:29

Ime, nache so Yerubaal, maye nacheso so Gedeón, jec da ỹe'eguelaxa so maiche lalamaxat lma'.

Salmos 83:2

Ña 'aumeten na 'ampa'aguenaxauapi maye 'am nquiỹatega, namayepi ỹataqta huotaique da 'am dataỹa'aguet.

1 Samuel 7:13

Nache so filisteopi noxonecpi co'ollaxa, nache saishet da ỹoltaq ỹe'eguelaxaua'a ye na'alhua so Israel le'ecpi co'ollaq ña nca'altauec so Samuel, nache Ñim Nataxala' ỹataqta dataỹa'aguet so filisteopi.