Jueces 8:27 - La'aqtaqa Ñim Lo'onatac 'Enauacna 2013

²⁷ Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.

Jueces 8:27 Referans Kwoze

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Jueces 18:14

Nache se'esoua cinco nmeenaxanaxanaqa maye imeteetrac co'ollaxa ye 'alhua Lais, 'enapego' som laỹepi, 'eeta': Maxatchaxa qome da huo'o ca qansheetaique da qauo'oche, cha'aye ne'ena nỹec netaigui ñi ntogue lapoxot, qataq na atamnaxala'piolec, qataq ñi ne'enaqtac 'epaq maye qaỹo'oxoolec na lcat plata.

Jueces 17:5

Nache so Micaía huo'o co'ollaxa so natamnaxaqui naña so lma'. Nataqa'en ỹo'ot so lapo' so ntaxaỹaxanaxanec qataq so nqolacpiolec, qataq ỹanagui da ntaxaỹaxanaxanec so 'oonolec so llalaqpi.

Jueces 18:17

qaq som ntaxaỹaxanaxanec co'ollaq huetaña som ñegueuo da na'aqtaxaatague' som seiscientos alleppi, nache soua cinco nmeenaxanaxanaqa nqo'ooreua'a so nỹec, nache ỹacona so ne'enaqtac 'epaq maye qaỹo'oxoolec na lcat plata, qataq so laỹepi atamnaxala'piolec, qataq so ntogue lapoxot.

Deuteronómio 7:16

Qaq ỹoqo'oye qanmachiichiguiñi qome 'enauac na shiỹaxauapi maye qami' ỹanema Ñim Nataxala' da qoroxoñiqui. Qataq saishet da qauchoxonñiitac, qataq saishet da qanatamñiỹot ca natamnaxala'pi, cha'aye ishet da qami' isomaxanaqche't.

Jueces 6:24

Huaña nache so Gedeón ỹanaña yemaye da nauaxaỹaxaasheguem aso nca'atoxonaxalate maye lalamaqte Ñim Nataxala', nache ỹamata'ac da le'enaxat «Ñim Nataxala' nacheñi Ñim nlagaxayec.» Qaq nache ivitta'a nagui da ñaq netaña ye Ofrá, yem lma' so lalamaxat lauo' le'ecpi so Abiezer.

Éxodo 23:33

Qataq saishet da huo'o ca qano'onaxachiỹañi yemayepi da netalec yi'iye 'alhua, ten qom nataqa'en qami' qanatamñiỹot na natamnaxala'pi, nache huo'o ca qarasouaxashechi, nache ivira'a da deqat da qanachaalataxaqui».

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

Deuteronómio 12:5

qaq cha'aye cam nanataqa' maye lca'ateua'a qome Ñim Nataxala' da yaqto' huaña da qanauane' Ñimaye, da ỹalectaigui na maiche nhuo' le'ecpi. Qaq nacheca ca qanmichiỹaique da huaña da qatamñiỹot Ñimaye.

Deuteronómio 7:25

Nache qauavigaxache 'enauac ye ne'enaqtac atamnaxala'pi, qalaxaye saishet da qauqopichiỹa'a da qauacoñiỹa ca lcat oro, qataq plata maye lapaqtalec yemayepi, cha'aye Ñim Nataxala' ỹataqta deqaiga yemaye.

Jueces 8:26

Nache 'enauac asa'aso chiguishaqtepi maye oro, huac da ivi' diecinueve kilos co'ollaq qanaloqten, qalaxaye saishet da qaỹalecneuo so laỹepi 'otaxatpi, nqolapi, mpotoyec tocalec da lo'oxoỹaxac maye ỹachetac naxa so nta'alpi madianiitapi, qataq aso llo'oxoraqtepi ana ltogue aso lalo cameellopi.

Jueces 8:28

Qaq 'era da 'eetec so Israel le'ecpi da maiche ỹoiqueetac cam ỹataxaateuga so madianiitapi, nache so madianiitapi saishet da ỹoltaq nauaqsheguem, ivittrauec soua cuarenta vi'iye. Qaq co'ollaq ñaq nca'altauec so Gedeón nache huo'o da nlagaxayec se'eso 'alhua.

Éxodo 32:4

nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Jueces 2:2

qom saishet da qanaỹamaxache' nam lma' ne'ena 'alhuapi, nachaqrata da qanlaxachiiñi ana lca'atoxonaxalatepi.› ¡Qalaxaye qami' saishet da aỹem qaualaqaiguet! ¿Ta'ainco' da qoñeetec de'era?

Jueces 2:3

Qaq ỹoqo'oye nagui qami' shenapegalo da aỹem saishet da so'orauec ne'ena shiỹaxauapi maye lma' ne'ena 'alhuapi, nache namayepi qataq na natamnaxala'pi, 'eeta'am aca qoina da qami' nqovi'n.»

Salmos 106:35

Nacherata da ỹaleeguet na ỹotta'a't shiỹaxauapi, qataq quegue na no'onataxacpi.

Ezequiel 7:20

Qaq souaxat da lyac ana no'otaqtepi nache namayepi nlaxagui da ño'oxonnaxac, qataq nache do'onataxana anamayepi da ỹo'ot na ỹataqta qaiqaiga ne'enaqtac nqolacpi. Qaq ỹoqo'oye she'eguelaxata qome da 'eco' lasogoñi ñaqa'en ana no'otaqtepi namayepi.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.