Jueces 8:23 - La'aqtaqa Ñim Lo'onatac 'Enauacna 2013

²³ Qalaxaye so Gedeón, 'enapeco': Aỹem qataq ca ỹalaqpi saishet qome da qami' selo'oguelo. Cha'aye nacheñita Ñim Nataxala' da qami' ilotegueto.

Jueces 8:23 Referans Kwoze

Isaías 33:22

Cha'aye Ñim Nataxala' nacheñi Ñim qomi' ỹauecta'agueta nacheñi Ñim qomi' ilotegueto qataq nacheñi Ñim qarta'a. Qaq Ñimaye nacheñi ñim qomi' nca'alaxatrec qome.

1 Samuel 12:12

Qalaxaye qami', co'ollaq qauloỹa'a da so Najás, so lta'a so amoniitapi, da huotaique da qami' iloquiaxa'n, nache aỹem qauỹaxañiỹot da sauo'o ca nta'a da qami' ilo'oguelo, qamaq ñi qarta'ai nacheñi Ñim Nataxala' maye Qanatamnaxala'ai.

1 Samuel 10:19

Qalaxaye nagui qami' qauo'otañi Ñim Qanatamnaxala'ai, maye qami' isoueeguesopa co'ollaxa 'enauac so lqalaiguesat, qataq so qanque'eenaxaqui, qaq nagui qami' qauo'otañi Ñimaye, cha'aye souaxat da qauỹaxañiỹaique ca qarta'ai da yaqto' qami' ilo'oguelo. Qaq ỹoqo'oye nagui qauanaqui, nache qanachaachiuo, qataq ñi 'oonolec ỹataqtac ca maiche lauo' le'ecpi qataq ca maiche llalaqpi.›»

2 Corintios 1:24

Qomi' saishet da sauoqtaique da qami' sa'aqtaxanaxama cam iuen da qaua'amaqchiñi, cha'aye qami' mashe qauaỹaañita da lataxac. Nachaqrata da qomi' sauoqtaique da qami' setauana'q da yaqto' ỹataqta qauamaichiguiñi.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Jueces 10:18

Qaq so nataxala'pi Israel le'ecpi, qataq som nañapi ye Galaad, somayepi nasara't co'ollaxa da qaỹatalec cam lataxala' 'enauac so netaña ye Galaad, da yaqto' qailogui' so amoniitapi.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Isaías 63:19

Qomi' seviraqta'a da 'eco' saỹauanego' da qomi' 'aulotegueto, qataq da 'eco' saỹauanego' da sachoqtac da 'are'enaxat.

Jueces 8:22

Nache so Israel le'ecpi 'enapega so Gedeón, 'eeta': Qaq cha'aye qomi' 'ausoueguesopa da la'añaxac so madianiitapi, nache 'onaxaictoxo' da nache 'am qarta'a, qataq nataqa'en qomi' ilo'oguelo qome ca 'aỹa'alaqpi.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Salmos 149:2

Qami' Israel le'ecpi, qantoñeetapeguec qome Ñim qami' lo'onataqa, qami' Sión lashe', qantoñiitapeguec qome Ñim Qarta'ai.