Jueces 8:22 - La'aqtaqa Ñim Lo'onatac 'Enauacna 2013

²² Nache so Israel le'ecpi 'enapega so Gedeón, 'eeta': Qaq cha'aye qomi' 'ausoueguesopa da la'añaxac so madianiitapi, nache 'onaxaictoxo' da nache 'am qarta'a, qataq nataqa'en qomi' ilo'oguelo qome ca 'aỹa'alaqpi.

Jueces 8:22 Referans Kwoze

Juan 6:15

Qalaxaye So Jesús co'ollaq noma da qaỹauotaique da qaỹaconeua'a da qoỹanagui da nta'a, nache Somaye qaltaq ca'ai somayepi da tasheguemec aso qaỹoqotcheguemec 'alhua, da yaqto' nda'a't ca hueta'a.

1 Samuel 12:12

Qalaxaye qami', co'ollaq qauloỹa'a da so Najás, so lta'a so amoniitapi, da huotaique da qami' iloquiaxa'n, nache aỹem qauỹaxañiỹot da sauo'o ca nta'a da qami' ilo'oguelo, qamaq ñi qarta'ai nacheñi Ñim Nataxala' maye Qanatamnaxala'ai.

1 Samuel 8:5

nache 'enapega, 'eeta': «'Am mashe 'am ỹa'axaiquiolec, qaq soua 'aỹa'alqa saishet da 'eeta'am da 'arataxac. Qaq ỹoqo'oye 'am, 'auauo'o qome ca qarta'a da yaqto' qomi' ilo'oguelo, nache shenaqta'am da lataxac 'enauac nam shiỹaxauapi maye qarhuoreuapi.»

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Jueces 8:21

Huaña nache so Zebaj qataq so Salmuná 'enapegalo so Gedeón, 'eeta': ¡Ña qomi' 'aualaua't, cha'aye ca ỹale ishet da qaỹauatton da 'eesa da qaramchigui! Nache so Gedeón ñisheguem, nache ỹalaua't soomaye, nache ỹaconalo soua llo'oxoraqtel naua ltogue soua cameello maye lalol so Zebaj qataq so Salmuná.

Jueces 8:23

Qalaxaye so Gedeón, 'enapeco': Aỹem qataq ca ỹalaqpi saishet qome da qami' selo'oguelo. Cha'aye nacheñita Ñim Nataxala' da qami' ilotegueto.