Jueces 8:21 - La'aqtaqa Ñim Lo'onatac 'Enauacna 2013

²¹ Huaña nache so Zebaj qataq so Salmuná 'enapegalo so Gedeón, 'eeta': ¡Ña qomi' 'aualaua't, cha'aye ca ỹale ishet da qaỹauatton da 'eesa da qaramchigui! Nache so Gedeón ñisheguem, nache ỹalaua't soomaye, nache ỹaconalo soua llo'oxoraqtel naua ltogue soua cameello maye lalol so Zebaj qataq so Salmuná.

Jueces 8:21 Referans Kwoze

Salmos 83:11

Qaq nache qonetec qome na nalleppi 'amaqtaqaicpi, da qonetec co'ollaxa so Oreb qataq so Zeeb, qataq 'enauac na llalaqpi na nta'alpi, 'aue'enaxatteguet da qonetec co'ollaxa so Sébah qataq so Salmuná,

Isaías 3:18

Qaq que'eca na'a'q, Ñim Nataxala' ỹo'ot qome da imeuo 'enauac na llo'oxoraxat naua napia'ate qataq ana llo'oxoraqtepi na nqaic, qataq ana llo'oxoraqtepi ana nqolapi,

Jueces 8:26

Nache 'enauac asa'aso chiguishaqtepi maye oro, huac da ivi' diecinueve kilos co'ollaq qanaloqten, qalaxaye saishet da qaỹalecneuo so laỹepi 'otaxatpi, nqolapi, mpotoyec tocalec da lo'oxoỹaxac maye ỹachetac naxa so nta'alpi madianiitapi, qataq aso llo'oxoraqtepi ana ltogue aso lalo cameellopi.

Apocalipsis 9:6

Qaq qom qanayeetaiguilo que'ecaua cinco ca'agoxoiqa, nache na shiỹaxauapi maye qaisoc co'ollaxa, ỹataqta huo'o da lyaxa da nache ileu, qalaxaye saishet da ileu. Cha'aye da nleuaxa qalaq 'eeta'am da dataueeguesop namayepi.

Salmos 83:1

'Am Ñatamnaxala', saishet qome da 'aue'enaxaatai', qataq saishet qome da 'añe'emaxat qataq da choche 'avi'imaqtom.

1 Samuel 31:5

Nache so lpaqtaxanaqte lo'o co'ollaq ila'a da ileu so Saúl, nache nataqa'en somaye nqapaxaanguit so maiche lainec, nache l-leuaxaua somaye.

1 Samuel 31:3

Ime, qataq qaimalec da qailoquiaxan so Saúl, nache so checnec lo'opi ivira'a da ishet da latenec somaye, nache somaye ỹataqta nlaxagui da lcolanaxa.

Jueces 9:54

Nache so Abimelec sa ỹaỹaloxon da iỹaxana so lo'ogoxonaxat lo'o, nache 'enapega 'eeta': «'anqatsheguem na 'ainec, nache aỹem 'aualauat, cha'aye sa saỹamaxaren da aỹem qaỹa'axatec da aỹem ỹalauat aso 'alo.» Nache so lo'ogoxonaxat lo'o ỹa'arapec, nache ỹapacaviigui naqa'en so lainec nache somaye ileu.

Jueces 8:20

Nache somaye sa naỹaloxon da 'enapega so Jéter, som llalec ỹe, 'eeta': ¡Qoñisheguem nache 'aualaua't daamaye! Qalaxaye so Jéter, ye ỹataqta ña nsoqolec, nache huo'o da lli'iỹaxa, ỹoqo'oye saishet da naviguisheguem so lainec.

Jueces 8:22

Nache so Israel le'ecpi 'enapega so Gedeón, 'eeta': Qaq cha'aye qomi' 'ausoueguesopa da la'añaxac so madianiitapi, nache 'onaxaictoxo' da nache 'am qarta'a, qataq nataqa'en qomi' ilo'oguelo qome ca 'aỹa'alaqpi.

Josué 10:26

Huaña co'ollaxa nache so Josué ỹalaua't se'esoua nta'al, ime nache damaxasoxoolec da ñi 'oonolec soomaye, qaicoñerasheguemec añi 'oonole soua cinco qo'oipaq, nache ivitta'a so avit.

Jueces 15:12

Huaña nache somayepi 'enapec: Qomi' ñanaguenaq da 'am saconaxaua'a da yaqto' 'am sanaxam na filisteopi. Nache so Sansón 'enapec: Ñaq aỹem qaỹa'añim nagui ca qara'aqtaqui da saishet da nache qami' da qauauoitaique da aỹem qaualauache.

Salmos 83:12

maye nshetaique da ỹauo'o lalamaxat na 'auaqpisat na 'alhua, maye lalamaxat Ñim Lo'onatac 'Enauacna.