Jueces 8:12 - La'aqtaqa Ñim Lo'onatac 'Enauacna 2013

¹² Nache so Zebaj qataq so Zalmuná datarec co'ollaxa, qalaxaye so Gedeón icana'ape, nache ivitta'a da loxonqa. Qaq so nalleppi qalaq ỹataqta ñi'i.

Jueces 8:12 Referans Kwoze

Salmos 83:11

Qaq nache qonetec qome na nalleppi 'amaqtaqaicpi, da qonetec co'ollaxa so Oreb qataq so Zeeb, qataq 'enauac na llalaqpi na nta'alpi, 'aue'enaxatteguet da qonetec co'ollaxa so Sébah qataq so Salmuná,

Amós 2:14

Huaña, nache ca ỹataqta qayaqaic qaica ca lle'eguenaqa' da datauec, qataq ca ỹataqta 'añaxaic, qaica ca la'añaxac, qataq cam ỹataqta qaramchigui ye lauel saishet da nca'alec.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Jueces 8:11

Nache so Gedeón jec, quetegue so nqa'aic maye queto'ot so loigue so toolec 'alhua, maye pa'aỹa'ague da nala' lliguisheguem ye Nobaj qataq ye Yogbeá, nache ique'elaxatta da iloquiaxan so alleppi co'ollaq qaica ca huotaique da netaña so lpe'lpi.

Jueces 8:13

Qaq so Gedeón ỹe'eguelaq co'ollaq ime da nalaataxac, nache taalec ye Heres,

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Isaías 9:3

'Am Nataxala', 'anache co'ollaxa da lta'araic namaicỹaxac, qataq da ỹataqta lta'araic tonaxac. Nache 'enauac na shiỹaxauapi machiguiñi da 'Am nachatto'ot, 'eeta'am da ivita da qanqat ca ala ca nañiguishec qataq 'eeta'am da qantootalec da qancolaxachigui ca nhuotaxanaxatpi.