Jueces 8:11 - La'aqtaqa Ñim Lo'onatac 'Enauacna 2013

¹¹ Nache so Gedeón jec, quetegue so nqa'aic maye queto'ot so loigue so toolec 'alhua, maye pa'aỹa'ague da nala' lliguisheguem ye Nobaj qataq ye Yogbeá, nache ique'elaxatta da iloquiaxan so alleppi co'ollaq qaica ca huotaique da netaña so lpe'lpi.

Jueces 8:11 Referans Kwoze

Números 32:42

Qaq so Nobaj deuotaxanec ye Kenat nataqa'en so nma'pi maye sa qaỹapeque yemaye, nache ỹanagui da maiche le'enaxat somaye, Nobaj.

Números 32:35

Atarot Sofán, Jazer, Yogbeá,

Jueces 18:27

Qaq 'era da 'eetec somayepi da ỹache so atamnaxala'pi maye lo'onatacpi so Micaía, qataq ỹauec so ntaxaỹaxanaxanec, nache ivitta'a ye Lais. Huaña nache ilalec da som shiỹaxauapi maye lma' yemaye ỹataqta qaica ca ndaqtaique, qataq ỹe'emaqtac nache so daniitapi ỹalauat somayepi, irota'a na ỹeelonec qataq ỹavigaxat se'eso huaqta'a't nỹecpi.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

1 Samuel 30:16

Nache so Egipto le'ec ỹauega somaye ye hueta'a so amaleciitapi, qaq somayepi ỹataqta laguelec 'enauac se'eso no'onaxa, deque'etac, nỹomtac qataq ỹo'ottac na la'ashaxac, ntootalec so lhuotaxanaxat nogoxoshetpi maye ỹachegoxotalec ye na'alhua so filisteopi qataq ye na'alhua so Judá le'ecpi.

1 Samuel 15:32

Qaq co'ollaq ime de'era, nache so Samuel, 'enapeco': Ñaq aỹem qanaviquiiua'a ca Agag, maye lta'a na amaleciitapi. Nache so Agag, nachaateua'a so Samuel ỹataqta ỹe'emaqtom, cha'aye ipi'itaxaatega da mashe ỹet da lchecỹaxac da nalaataguec.

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 8:12

Nache so Zebaj qataq so Zalmuná datarec co'ollaxa, qalaxaye so Gedeón icana'ape, nache ivitta'a da loxonqa. Qaq so nalleppi qalaq ỹataqta ñi'i.