Jueces 8:10 - La'aqtaqa Ñim Lo'onatac 'Enauacna 2013

¹⁰ Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 8:10 Referans Kwoze

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

2 Reyes 3:26

Qaq so lta'a so Moab le'ecpi, co'ollaq ila'a da qanauec se'eso alaataxac, nache ỹauec so setecientos alleppi maye ỹaỹaten da do'ogoxona na ỹeelonec, da yaqto' iloquiaxan so nta'a Edom le'ec, qalaxaye sa ỹañoxot co'ollaxa.

Jueces 20:46

Qaq da ỹalega't so ileupi se'eso na'a'q, nache ivi' veinticinco mil som ỹataqta no'on nalleppi so chegoxoguetpi so Benjamín.

Jueces 20:35

Qaq se'eso na'a'q Ñim Nataxala' ỹanem so Israel le'ecpi da nauec so chegoxoguetpi so Benjamín, nache somayepi ỹalauat so veinticinco mil cien som nalleppi som chegoxoguetpi so Benjamín.

Jueces 20:25

Qalaxaye somayepi ỹoltaq inoxoneuga so pa'auec ye Gabaa da delogui' somayepi, nache qaltaq ỹalauat so dieciocho mil nalleppi so Israel le'ecpi.

Jueces 20:17

Qaq so laỹepi Israel le'ecpi nataqa'en laỹona't co'ollaxa so cuatrocientos mil alleppi maye na'atchiguiñi na lo'ogoxonaxat som nache 'eetai' da alaataxaicpi.

Jueces 20:15

Nache so alleppi maye chegaqa'a so huaqta'a't nỹecpi maye huaigui ye na'alhua so chegoxoguetpi so Benjamín ivi' veintiséis mil som ỹalleppi maye ỹataqta na'atchiguiñi na lo'ogoxonaxat, qalaxaye sa qanaloqneuo so setecientos alleppi nca'aguishecpi maye chegaqa'a ye Gabaa.

Jueces 20:2

Qaq 'enauac da ỹalectauo som lataxala'pi so maiche nhuo' Israel le'ecpi, nache se'eso lalamaxat nhuo' le'ecpi Ñim Lo'onatac 'Enauacna, ivi' cuatrocientos mil alleppi som petañi.

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

2 Crónicas 28:8

Qaq nataqa'en so alleppi Israel le'ecpi, loxonec so doscientos mil shiỹaxauapi maye lma' ye Judá, 'alpi, ñaqpiolec, qataq aso nogotolepi, qataq ỹacona so ỹataqta qalota nogoxoshetpi, nache ira'a ye Samaria.

2 Crónicas 28:6

Qaq nataqa'en so Pecaj, maye llalec so Remalías, se'eso 'oonolec na'a'q ỹalauat so ciento veinte mil ỹalleppi maye 'añaxaicpi huaña ye Judá, souaxat da ca'ai Ñim Nataxala' maye Natamnaxala' so hua'au lta'alpi.

2 Crónicas 13:17

Nache so Abías, qataq so nalleppi ỹataqta qalota so ỹalauatpi co'ollaxa, qaq se'eso alaataxac nache ỹalauat so quinientos mil alleppi maye lca'aguishecpi so Israel le'ecpi.

Jueces 7:22

Qaq se'eso trescientos Israel le'ecpi, nache quetot da ỹashettapigui aso lasheerepi peenaq lcouepi, nache Ñim Nataxala' ỹo'otec so madianiitapi da maiche taỹa't da nalaara't qataq datauec, nache taỹa ye Bet Sitá, qataq taỹa'a ye Sererá, maye loga't ye Abel Meholá maye huaqta'ai' ye Tabat.

Jueces 6:5

Cha'aye so lpe'lpi qataq so na'atetpi somayepi, ỹataqta nlaqaalec yi'iye 'alhua, nache ỹataqta nlachiguiñi naqa'en. Cha'aye somayepi qataq aso lalo cameellopi ỹataqta qalota, 'eeta'am ana shiiquioxoipi maye qaica ca ishet da naloqten.

Jueces 8:11

Nache so Gedeón jec, quetegue so nqa'aic maye queto'ot so loigue so toolec 'alhua, maye pa'aỹa'ague da nala' lliguisheguem ye Nobaj qataq ye Yogbeá, nache ique'elaxatta da iloquiaxan so alleppi co'ollaq qaica ca huotaique da netaña so lpe'lpi.

Jueces 7:13

Nache so Gedeón co'ollaq ivita so lpe'lpi som alleppi maye mpa'aguenaxauapi, nache hua'aqtegueua'a so 'oonolec ale da'aqtaxaatapeguem so lỹa, som lchoxonaxac somaye, 'eeta': «Sechoxootega aso nauole chegaqaigui na cebada da coleetagui, naỹaña na qaranataqa', nache so nviyiñi nache tachigui so 'oonolec nam qarpe'lpi, nache ỹataqta ỹa'axasoxooñi.»