Jueces 7:7 - La'aqtaqa Ñim Lo'onatac 'Enauacna 2013

⁷ Nache Ñim Nataxala' 'enapega so Gedeón, 'eeta': «Ne'ena trescientos ỹalleppi maye napilectangui na 'etaxat da nỹom, nachena na so'ogoxona qome da qami' sesore'c, nache qami' sanema na madianiitapi da qoroxoñiqui. Qaq nam laỹepi, qalaq 'enauac qome da ỹe'eguelaq.»

Jueces 7:7 Referans Kwoze

1 Samuel 14:6

Nache so Jonatán 'enapega so ltaua, 'eeta': Qolaq qome, saxatague da le'ego, nache sevirqa'ata ye lanataqa' ye sa qara'amaqtenaxanaxauapi. Cha'aye Ñim Nataxala' yo'oqta da qomi' itaua'n, cha'aye Ñimaye qaica naqa'en ca lqalaic da ñauegaq na qampa'aguenaxauapi, na'aictaxa da ỹataqta qalota, huo'otaq saq 'amaqtaq.

Jueces 7:6

Nache so 'eeta'am na pioq da nỹomaxac qataq so ỹauota'a na lhuaq da ỹemaxaña na 'etaxat, ivi' trescientos ye lcata, qaq so laỹepi qalaq 'enauac da ỹa'alyiñi naua l-llecte da nỹom.

Jueces 7:8

Nache so Gedeón ỹe'eguelaxat so laỹepi Israel le'ecpi da ỹe'eguelaxa so netaña so lpe'lpi, qalaxaye no'onaxatañi so trescientos da yaqto' nacheso so pa'aỹa'aguet da ỹache so nallec, qataq asom lasheerepi peenaq lcouepi. Qaq so lanataqa' so madianiitapi, nache huaña so ca'amegue maye npa'aỹañi ye hueta'a so Gedeón.

1 Samuel 23:4

Nache so David qaltaq ỹe'eguelaxalec da inat Ñim Nataxala', nache Ñimaye, 'enapeco': 'Aue, qojec 'anqo'ona ye Keila, cha'aye aỹem 'am sanem da 'oxonec ye filisteopi.