Jueces 7:25 - La'aqtaqa Ñim Lo'onatac 'Enauacna 2013

²⁵ nache somayepi loxonqa soua Oreb qataq so Zeeb, maye lataxala'ate so madianiitapi. Nache so Oreb, qaỹalauat huaña añi coma' maye le'enaxat Oreb, qaq so Zeeb, qaỹalauat huaña qanqa'en yem no'onataqa' ana uva da qaỹo'ot na lataxa maye le'enaxat Zeeb, qaq co'ollaq ime da qaicaatac so madianiitapi, nache qaỹache so lqaic so Oreb qataq so Zeeb, nache qaira'a so Gedeón, maye hueta'atague da le'ego so tala Jordán.

Jueces 7:25 Referans Kwoze

Isaías 10:26

Ñim Nataxala' maye Qaica ca Ỹaqalanapec ỹauo'o qome ca nhuaxanaguec yemayepi, 'eeta'am da 'eetec co'ollaq loxonec so Madián le'ecpi co'ollaq huaña añi coma' maye le'enaxat Oreb, qataq ỹachaxana da la'añaxac da dataỹa'aguet ye Asiria, 'eeta'am co'ollaq ỹachaxana da la'añaxac da dataỹa'aguet ye Egipto.

Josué 7:26

Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Salmos 83:10

soua nlachiyiñi co'ollaq huaña ye Endor, nache 'eeta'am na huaca la'atec da ỹaleeguet na 'alhua.