Jueces 7:24 - La'aqtaqa Ñim Lo'onatac 'Enauacna 2013

²⁴ Nache so Gedeón ỹauo'o so lamaxashecpi da nqo'ona ye 'alhuapi maye huaña aso qasoxonaxapi ye Efraín, nache 'enapega som ỹalleppi so maiche nhuo' le'ecpi da huenotec da delogui' so madianiitapi. Nache nauan so ñeguetapi so tala Bet Bará qataq so Jordán, co'ollaq saxanaxa da ivita yemaye. Nache som chegoxoguetpi so Efraín, ỹo'ot de'era qaỹamaxalec,

Jueces 7:24 Referans Kwoze

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Romanos 15:30

Qami' ỹaqaỹañicpi, aỹem qami' ñachoxoreetoiguilo souaxat So Qarataxala' Jesucristo, qataq souaxat da nsoxoyec maye qomi' ỹanema So Saqcha'a Na'añaxac Qui'itta, da aỹem qautauañi qome da qanqouagaxauñiỹot Ñim Lo'onatac 'Enauacna da aỹem qanqouagaxauñiitalec.

Juan 1:28

Qaq 'enauac de'era huaña ye nỹecpi ye Betania, maye pa'aigue da nala' lliguisheguem ye tala Jordán, yem huaña co'ollaq dachelaxanataxaatac so Juan.

Jueces 12:5

Qaq so Galaad le'ecpi nqo'ona co'ollaxa da nauan som ñeguetapi da qotaitague da le'ego so Jordán maye lalamaxat som chegoxoguetpi so Efraín. Nache naxa som chegoxoguetpi so Efraín maye naneltaxaatac da huotaique da ỹa'axasoxoolec som ñeguetapi, nache somayepi inat, da Efraín le'ec. Qaq da 'enapec saishet,

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Jueces 8:3

Ñim Lo'onatac 'Enauacna qami' ỹanema da qoroxoñiqui so Oreb qataq so Zeeb, soua lataxala'ate na madianiitapi. Qaq ¿negue't cam so'ot da ishet da qanaloqnaxaneguet dam qauo'oche?» Nache so chegoxoguetpi so Efraín co'ollaq hua'axaỹa de'era la'aqtac so Gedeón, nache vi'iiguet da lalemataic.