Jueces 7:22 - La'aqtaqa Ñim Lo'onatac 'Enauacna 2013

²² Qaq se'eso trescientos Israel le'ecpi, nache quetot da ỹashettapigui aso lasheerepi peenaq lcouepi, nache Ñim Nataxala' ỹo'otec so madianiitapi da maiche taỹa't da nalaara't qataq datauec, nache taỹa ye Bet Sitá, qataq taỹa'a ye Sererá, maye loga't ye Abel Meholá maye huaqta'ai' ye Tabat.

Jueces 7:22 Referans Kwoze

1 Reyes 4:12

qaq so Baná, som llalec so Ajilud, ilotague' ye Tanac, Meguido, qataq 'enauac ye Bet Seán maye saqaỹapeque ye Saretán ye npa'aỹañi ye Jezrel, chegoqchiguiña ye Bet Seán nache ivitta'a ye Abel Meholá yem pa'aicra'a ye Jocmeán,

2 Crónicas 20:23

Qaq cha'aye so amoniitapi qataq so moabiitapi, iloquiaxan so lma' añi qasoxonaxa Seír, nache nmatchiguiñi da ỹalauat, qaq co'ollaq mashe nmichiguiñi naqa'en somayepi, nache somayepi qaltaq maiche taỹa't da nalaara't.

1 Reyes 19:16

qataq so Jehú, som laual so Nimsi, da yaqto' lta'a na Israel le'ecpi, nataqa'en 'aucorelec na lqaic so Eliseo, som llalec so Safat, maye lma' ye Abel Meholá, da yaqto' 'aỹa'anagui da 'aro'onataxanaxac da na'aqtaxanaxanec.

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Isaías 19:2

Ñim Nataxala', 'enapec. «Aỹem so'ot qome da colaxagui ye Egipto le'ecpi, ñi 'oonolec qalaq delogui' qome ca lỹa, ye auochaxauapi qalaq maiche delogoỹa't, yem hueta'a ye huaqta'a't nỹecpi qalaq delogui' qome yem hueta'a ye lỹa huaqta'a't nỹecpi, ye nta'alpi qalaq nataqa'en maiche delogoỹa't qome.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Salmos 83:9

Qaq namayepi 'aue'enaxatchigui qome da qonetec co'ollaxa so Madián le'ecpi, qataq da qonetec so Sísara qataq so Jabín co'ollaq huaña so la'auaxac Cisón,

Josué 6:16

Nache soua ntaxaỹaxanaxanaqa co'ollaq mashe ivi' siete da ỹe'eguelaxalec da ỹashiiyigui soua lasheerel, nache so Josué 'enapega so shiỹaxauapi, 'eeta': «¡Qaua'alqai! Cha'aye Ñim Nataxala', qami' ỹanema ne'ena huaqta'a't nỹecpi.

Josué 6:4

Qaq siete qome caua ntaxaỹaxanaxanaqa maye hua'autra'ague 'anqa'en da taỹa'ague añi arca maye laỹe' da aỹamaxataxac, qaq ñi 'oonolec caamaye huota'a qome aca lasheere peenaq lcoue. Qaq ca na'a'q siete, nache siete qome da qavi'iguelaqailec da qauconñiisop yi'iye huaqta'a't nỹecpi. Qaq que'ecaua ntaxaỹaxanaxanaqa nache quetro'ot qome da ỹashettrapigui caua lasheerel.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

1 Samuel 18:19

Qalaxaye co'ollaq ivita so laloqo' da so Saúl ỹanem taxa so David aso llale Merab da huaroneguet, nache maltaq ỹanem so Adriel som lma' ye Meholá da ỹauo'o lhua asomaye.

Ezequiel 38:21

Qaq 'enauac nam netalec aye qasoxonaxapi, seỹaxaneuga qome da nalaate' ye Gog, nache ñi 'oonolec ỹalauat qome ca maiche lỹa, irolec ca ỹeelonec. Qaq 'era da ỹa'aqtac Aỹem Nataxala'.

Habacuc 3:14

Qataq 'aualauat so lataxala', 'aurolec aso maiche lchecna, co'ollaq som nalleppi 'eeta'am na la'at lta'araic, da ilagaxattac nam qaica ca iueelec, da yaqto' sa qananoma da ilaxachigui.

Hageo 2:22

ñelaxaañi da la'añaxac na nta'alpi maye netalec ana 'alhua, qataq hua'axañi ñaqa'en ana nso'onaxaquipi namayepi; qataq seqalagoxooñe ana naigonapi maye alaataxaquipi, qataq nam lo'opi anamayepi; huaña nache ileu na caipi qataq nam netalec namayepi; ñi 'oonolec namayepi ilem qome ca lainec ca maiche lqaỹa.

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

Isaías 9:3

'Am Nataxala', 'anache co'ollaxa da lta'araic namaicỹaxac, qataq da ỹataqta lta'araic tonaxac. Nache 'enauac na shiỹaxauapi machiguiñi da 'Am nachatto'ot, 'eeta'am da ivita da qanqat ca ala ca nañiguishec qataq 'eeta'am da qantootalec da qancolaxachigui ca nhuotaxanaxatpi.

Zacarías 14:13

Qaq que'eca na'a'q Ñim Nataxala', ỹataqta nlaxatchigui qome da lcolanaxa namayepi. Nache ñim 'oonolec ỹacona qome na lhuaq ca lỹa, qataq maiche taỹa't da deloctega't.