Jueces 7:17 - La'aqtaqa Ñim Lo'onatac 'Enauacna 2013

¹⁷ Ime, nache 'enapega somayepi, 'eeta': Qom mashe sevitaxa ye loigue ye lanataqa' ye qampa'aguenaxauapi, nache aỹem qauloichigui, qataq qaue'enaxachiichigui da qauo'oche cam so'ot qome.

Jueces 7:17 Referans Kwoze

1 Corintios 11:1

Qami' qoquiitelec qome da ỹataxac, 'eeta'am da sheetec da shectelec da lataxac So Cristo.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Hebreos 13:7

Qataq qauennachiỹa'a som qarataxala'aipi maye qami' ỹa'axatema co'ollaxa da la'aqtac Ñim Lo'onatac 'Enauacna, cha'aye somayepi huetaigui da lta'araic lpi'iỹaxac Ñimaye. Qataq saishet da qaỹa'axañiiñi da qauennacheetega somayepi qataq qoquiigue da lataxac.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Jueces 9:48

nache somaye qataq so nnaictague'pi alleppi, tasheguemec añi qasoxonaxa Salmón, huaña nache ỹauota'a aso qachepe da iquesoxouec aso lcouepi aso qo'oipaq, ime nache ỹasaxalec na lallac, nache 'enapega so nnaictague'pi, da nataqa'en da ỹe'enaxatchigui da 'eetec somaye.

Jueces 7:16

Nache somaye sa naỹaloxon da iỹorecache so trescientos nalleppi, nache tres naqa'en soua lpa'axaco, nache ỹanem somayepi aso nasheerepi peenaq lcoue qataq aso qui'itchigui naco'oñapi 'alhua, nache ỹachaigui asomayepi asom ncoỹaraxanaqtepi 'ettaigui.

Jueces 7:18

Nache aỹem qataq na ñenaictague'pi, qom sasheeraxagui ana peenaq lcouepi, nache nataqa'en qami' nam qoviita'alo loiguiye maye coleesop ye lanataqa' ye madianiitapi, qauasheeraxañiilec qome qataq qaua'alaqailec, qoñiita': ¡Souaqta'aguet Ñim Nataxala' qataq da Gedeón!