Jueces 7:15 - La'aqtaqa Ñim Lo'onatac 'Enauacna 2013

¹⁵ Nache so Gedeón co'ollaq hua'aqchigui se'eso nchoxonaxac qataq da naigui, nache somaye ỹataqta ỹanot Ñim Nataxala' da llo'oxonnataxanaxac. Huaña, nache ỹe'eguelaxa so lanataqa' so Israel le'ecpi, nache 'enapega, 'eeta': «¡Qoñiisheguem, qolaq cha'aye Ñim Nataxala' mashe qomi' ỹanema da qoroxonec ye madianiitapi.»

Jueces 7:15 Referans Kwoze

Jueces 4:14

Huaña nache aso Débora 'enapego' so Barac, 'eeta': «¡Ñaq qoñisheguem, cha'aye nagui Ñim Nataxala', 'am ỹanem da 'oxonec ñi Sísara! Cha'aye Ñim Nataxala' mashe hua'auta'ague da taỹa'ague na 'analleppi.» Nache so Barac huenoteeguesop añi qasoxonaxa Tabor, lỹatac so diez mil nalleppi,

Génesis 41:11

Qaq huo'o so pe, nache so lataxala' na nauole lo'opi huo'o so lchoxonaxac qataq aỹem huo'o so ichoxonaxac, qaq ñi 'oonolec soua qarchoxonaxaco huo'o da naigui.

Génesis 40:8

Nache soomaye 'ena'apo': «Qomye huo'o so qarchoxonaxac, qalaxaye qaica ca qomi' da'aqtaxanema ca naigui.» Nache so José 'enapeco': «¿Peta'a sa nacheño' Ñim Lo'onatac 'Enauacna ñim ishet da ỹa'axat ca naigui ca nchoxonaxac? Ñaq aỹem qaua'aqtaxañim nagui, cam qauchoxoñiitega.»

Génesis 24:48

qaq ime, nache sa'aroto naua illecte Ñim Nataxala' da ñeqouagaxauen, sho'oxoren Ñim Nataxala', Ñim Natamnaxala' ñi ña'aco' Abraham, cha'aye souaxat da aỹem nauecteuga na nqa'aic, maye nalemaqchigui na 'arma', da yaqto' saconeua'a añim llale ñi maiche lauo' le'ec ñimaye, da yaqto' lhua ñim llalec.

Jueces 7:11

nache 'ana'axaỹaxana cam na'aqtaxaatapigui yemayepi, huaña qome nache 'ana'añaxat da yaqto' 'auloquiaxan.» Huaña nache so Gedeón huenoteeguesop som hueta'a lanataqa', nache nnaicapegue' so lo'onataxanaxanec Purá, nache ivildaua'a so lauanaxanaqa' so alleppi maye mpa'aguenaxauapi.

Jueces 7:14

Nache so lỹa 'enapeco': «Se'eso nacheso so lainec ca Gedeón, cam llalec so Joás, maye Israel le'ec. Ñim Lo'onatac 'Enauacna ỹanem ca Gedeón da loxonec na madianiitapi qataq 'enauac na qaranataqa'.»

Jueces 7:16

Nache somaye sa naỹaloxon da iỹorecache so trescientos nalleppi, nache tres naqa'en soua lpa'axaco, nache ỹanem somayepi aso nasheerepi peenaq lcoue qataq aso qui'itchigui naco'oñapi 'alhua, nache ỹachaigui asomayepi asom ncoỹaraxanaqtepi 'ettaigui.

Jueces 8:7

Nache so Gedeón, 'enapeco': «Ñaq saxanaxa da sachiyiñi, qalaxaye qom ime da Ñim Nataxala' aỹem ỹanem da ỹoxonec ca Zebaj qataq ca Salmuná, nache qami' ñe'eguelaxalo, nache qami' seroleguete ana ỹaxat qataq ana poqo maye hualec na toolec 'alhua da selaxatta da qaro'ocỹaxaqui.»

Jueces 3:28

Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

1 Samuel 14:12

Nache saỹaỹaloxon da ỹa'alaqtaña so Jonatán qataq so ltaua somaye, 'eeta': «¡Ña qananaisheguema na souaqta'a, cha'aye huo'o da sauoqtaique qami' sa'aqtaxanaxama!» Nache so Jonatán 'enapego' so ltaua, 'eeta': «Aỹem 'anca'atasheguemgue qome, cha'aye Ñim Nataxala' ỹanem da loxonaxanaxac na Israel le'ecpi.»