Jueces 7:14 - La'aqtaqa Ñim Lo'onatac 'Enauacna 2013

¹⁴ Nache so lỹa 'enapeco': «Se'eso nacheso so lainec ca Gedeón, cam llalec so Joás, maye Israel le'ec. Ñim Lo'onatac 'Enauacna ỹanem ca Gedeón da loxonec na madianiitapi qataq 'enauac na qaranataqa'.»

Jueces 7:14 Referans Kwoze

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Josué 2:24

Nache 'eeta': «Ñim Nataxala' mashe qomi' ỹanema da qoroxonec 'enauac yi'iye 'alhua. Cha'aye 'enauac yem netaña yemaye ỹataqta ilem da lcolanaxa souaxat da shenaqta.»

Números 23:20

Qataq Ñimaye aỹem ỹamaxalec da san ca no'on ỹa'aqtac, qaq Ñim Lo'onatac 'Enauacna da ỹan ca no'on la'aqtac, nache aỹem saishet da sataỹa'aguet.

Números 23:5

Nache Ñim Nataxala' ỹanem so Balaam da la'aqtac, nache 'eeta': 'avi'eguelaxa qome ye hueta'a da Balac, nache 'aua'aqtaxanem dam 'am sanem ỹa'aqtaxanaxac.

Números 22:38

Nache so Balaam 'enapega so Balac, 'eeta': Aja', qalaxaye mashe soota'a ne'ena, aỹem 'am ñanaỹa. Qalaxaye aỹem, saishet da sa'axat ca saishet da aỹem ỹanem Ñim Lo'onatac 'Enauacna.

Jueces 7:13

Nache so Gedeón co'ollaq ivita so lpe'lpi som alleppi maye mpa'aguenaxauapi, nache hua'aqtegueua'a so 'oonolec ale da'aqtaxaatapeguem so lỹa, som lchoxonaxac somaye, 'eeta': «Sechoxootega aso nauole chegaqaigui na cebada da coleetagui, naỹaña na qaranataqa', nache so nviyiñi nache tachigui so 'oonolec nam qarpe'lpi, nache ỹataqta ỹa'axasoxooñi.»

Jueces 7:15

Nache so Gedeón co'ollaq hua'aqchigui se'eso nchoxonaxac qataq da naigui, nache somaye ỹataqta ỹanot Ñim Nataxala' da llo'oxonnataxanaxac. Huaña, nache ỹe'eguelaxa so lanataqa' so Israel le'ecpi, nache 'enapega, 'eeta': «¡Qoñiisheguem, qolaq cha'aye Ñim Nataxala' mashe qomi' ỹanema da qoroxonec ye madianiitapi.»

Jueces 3:28

Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.

1 Samuel 14:12

Nache saỹaỹaloxon da ỹa'alaqtaña so Jonatán qataq so ltaua somaye, 'eeta': «¡Ña qananaisheguema na souaqta'a, cha'aye huo'o da sauoqtaique qami' sa'aqtaxanaxama!» Nache so Jonatán 'enapego' so ltaua, 'eeta': «Aỹem 'anca'atasheguemgue qome, cha'aye Ñim Nataxala' ỹanem da loxonaxanaxac na Israel le'ecpi.»