Jueces 7:12 - La'aqtaqa Ñim Lo'onatac 'Enauacna 2013

¹² Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

Jueces 7:12 Referans Kwoze

Jueces 8:10

Qaq so Zebaj qataq so Salmuná huetra'a co'ollaxa ye Carcor, nache nnaictagueto so quince mil alleppi, som no'onañipi alleppi maye chegaqa'ague da pa'aỹa'ague da nala' lliguisheguem, cha'aye qaỹalauat co'ollaxa som ciento veinte mil maye laỹepi somayepi.

Jueces 6:5

Cha'aye so lpe'lpi qataq so na'atetpi somayepi, ỹataqta nlaqaalec yi'iye 'alhua, nache ỹataqta nlachiguiñi naqa'en. Cha'aye somayepi qataq aso lalo cameellopi ỹataqta qalota, 'eeta'am ana shiiquioxoipi maye qaica ca ishet da naloqten.

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Josué 11:4

Nache 'enauac se'eso nta'alpi lỹatec co'ollaxa so nalleppi, qataq so ỹataqta qalota caipi, qataq aso nalaataxaquipi laigonapi. Qaq ye ỹataqta qalota se'eso alleppi, nache qaica ca ỹañoxot da naloqten, cha'aye 'eeta'am na coma' lsoche maye huaña na loigue aso auaxai.

Salmos 33:16

Ca nta'a saishet da deca'alligui ca qalota nalleppi, qataq na 'añaxaicpi saishet da deca'alligui da qalota la'añaxac.

Salmos 3:1

'Am Nataxala', ỹataqta qalota na ñepa'aguenaxauapi, qataq qalota na aỹem dataỹa'aguet,

1 Reyes 4:30

Qaq da laỹaanec so Salomón ỹataqta napacalec so ỹaanaxanaxaicpi maye lma' da pa'aigue da nala' lliguisheguem qataq so Egipto le'ecpi.

Jueces 6:33

Qaq ime, nache 'enauac so madianiitapi, amaleciitapi, qataq 'enauac so chegaqa'ague da pa'aỹa'ague da nala' lliguisheguem huaxaỹa't, nache ỹa'axasoxoolec so tala Jordán, nache hua'a so ca'amegue ye Jezrel da ỹanaña so lpe'lpi.

Jueces 7:13

Nache so Gedeón co'ollaq ivita so lpe'lpi som alleppi maye mpa'aguenaxauapi, nache hua'aqtegueua'a so 'oonolec ale da'aqtaxaatapeguem so lỹa, som lchoxonaxac somaye, 'eeta': «Sechoxootega aso nauole chegaqaigui na cebada da coleetagui, naỹaña na qaranataqa', nache so nviyiñi nache tachigui so 'oonolec nam qarpe'lpi, nache ỹataqta ỹa'axasoxooñi.»

1 Samuel 30:17

Nache so mashe yo'oqoolec na 'alhua, nache so David iloquiaxan somayepi, nache ivitta'a so avit so lỹa na'a'q da iloquiaxaatac, qalaxaye cuatrocientos so nsoxoppi so ishet da nca'alec, cha'aye neleco' aso lalo cameellopi nache datauec.

Jeremías 46:23

¡Nache nquesoxoñi ye sansattec aviaq! Qaq 'era da ỹa'aqtac Aỹem Nataxala'. Cha'aye namayepi napacalec ye lcata ana shiiquioxoipi, nache qaica ca ishet da naloqten.

1 Samuel 13:5

Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

1 Reyes 20:27

Qaq so Ajab nataqa'en naloqna't so alleppi Israel le'ecpi, nache ỹanem so aloq da yaqto' ỹache, nache ca'ateguet so siiriopi. Nache so Israel le'ecpi ỹa'ayiñi so lpe'lpi da hua'a so datatta so siiriopi, qaq somayepi ỹataqta saq 'amaqtaq 'eeta'am aca nlo quetaqpiole ye hueta'a, qaq so siiriopi qalaq ỹataqta imattalec se'eso 'alhua.