Jueces 7:1 - La'aqtaqa Ñim Lo'onatac 'Enauacna 2013

¹ Nache so Gedeón, maye le'enaxat nataqa'en da Yerubaal, qataq 'enauac so nnaictague'pi, no'ottasheguem co'ollaxa da yaqto' nqo'ona so saqaỹapeque yem huaña na npaxaatasheguem 'etaxat ye Jarod nache ỹanaña so lpe'lpi. Qaq so naña so lpe'lpi so madianiitapi, qalaq pa'aỹa'ague da sheu' yem huaña so ca'amegue maye hueto'ot so loigue añi lcomaraxalate More.

Jueces 7:1 Referans Kwoze

Jueces 6:32

Qaq ỹoqo'oye huaña co'ollaxa nache so Gedeón, qaỹamata'ac da «Yerubaal» cha'aye qoỹeeta': «So Baal maiche delogui' qome somaye», cha'aye so Gedeón, nlaxaañi aso nca'atoxonaxalate maye lalamaqte so Baal.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Génesis 12:6

nache so Abram ỹa'axasoxootac 'enauac yi'iye 'alhua, nache ivitta'a ye Siquén yem naña aso qo'oipaq atamnaxalate, maye naña ye More. Qaq se'eso na'a'q so cananeopi netalec co'ollaxa yi'iye 'alhua.

Josué 6:12

Qaq so nte'etom so lỹa na'a'q, so Josué ñisheguem, qaq soua ntaxaỹaxanaxanaqa nache ỹacoosopa aso arca maye laỹe' da aỹamaxataxac.

Josué 3:1

Qaq co'ollaq ñaq nte'etom so lỹa na'a'q, nache so Josué qataq 'enauac so Israel le'ecpi ca'ai ye Sitín, nache co'ollaq ivita so tala Jordán, qaq saishet da nache ỹa'axasoxoolec, nacherata da hua'a da nmataqa' so loigue.

Deuteronómio 11:30

Qaq ñi'iñiua qasoxonaxal ñiimaye nera'atague da le'ego ye tala Jordán, pa'aira'ague da avit ye na'alhua ye cananeopi, maye nalotta ye Gilgal qataq huaqta'ai' ye More.

Génesis 22:3

Qaq so nte'etom so lỹa na'a'q, nache so Abraham ñesheguem, nache ỹo'oolec so lalo 'ashena, qataq iquesoq so qo'oipaqpi da yaqto' lalonaxat acam lachetaqtaxanaqte, nache jec da nqo'ona so 'alhua maye ỹachaxana Ñim Lo'onatac 'Enauacna, qaq nache lỹatac so Isaac, qataq soua dos lamaxa'she.

Jueces 6:40

Qaq nacheso se'eso pe da Ñim Lo'onatac 'Enauacna nache 'eetec de'era. Nache se'eso lỹa na'a'q se'eso qagueta laue nachesota da daqaqta, qaq na 'alhua qalaq nlaqaalec so 'aỹa.

Jueces 8:29

Ime, nache so Yerubaal, maye nacheso so Gedeón, jec da ỹe'eguelaxa so maiche lalamaxat lma'.

1 Samuel 12:11

Nache Ñim Nataxala' qaltaq ỹama'q co'ollaxa soua Yerubaal, Barac, Jefté, qataq aỹem Samuel da yaqto' qami' isoueeguesopa da la'añaxac so qampa'aguenaxauaipi, qaq huaña nache qami' ishet da qaltaq qavi'imaqaitac na qoviita'a.

2 Samuel 23:25

Qataq so Sama, som Jarod le'ec, qataq so Elica maye nataqa'en Jarod le'ec.

Salmos 83:9

Qaq namayepi 'aue'enaxatchigui qome da qonetec co'ollaxa so Madián le'ecpi, qataq da qonetec so Sísara qataq so Jabín co'ollaq huaña so la'auaxac Cisón,

Jueces 6:33

Qaq ime, nache 'enauac so madianiitapi, amaleciitapi, qataq 'enauac so chegaqa'ague da pa'aỹa'ague da nala' lliguisheguem huaxaỹa't, nache ỹa'axasoxoolec so tala Jordán, nache hua'a so ca'amegue ye Jezrel da ỹanaña so lpe'lpi.

1 Samuel 29:1

Qaq so filisteopi laỹona't co'ollaxa 'enauac so nalleppi huaña ye Afec, qaq so Israel le'ecpi qalaq lanataqa' co'ollaxa ye saqaỹapeque ye huaña na npaxaatasheguem 'etaxat ye Jezrel.