Jueces 6:6 - La'aqtaqa Ñim Lo'onatac 'Enauacna 2013

⁶ Nache ỹataqta lta'araic da lachoxoyec so Israel le'ecpi souaxat so madianiitapi, ỹoqo'oye ivitta'a da nachoxoreetacot Ñim Nataxala' da yaqto' itauan somayepi.

Jueces 6:6 Referans Kwoze

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Jeremías 5:17

Qaq camayepi chec qome na 'añiguishec ala qataq nam 'oq, qataq ỹalauat qome na 'aỹa'alaqpi ỹalleppi qataq ana 'aỹa'alepi 'alpi. Qataq chec ana 'arelopi qaguetapi qataq na huacapi, qataq ana 'añiguishe uvapi, qataq ana hiigopi. Qataq irolec qome nam lo'ogoxonaxatpi da ilaxachigui na huaqta'a't nỹecpi, nam qampaxattaua'a maye 'aupe'etega naxa.»

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Jueces 3:15

qaq so Israel le'ecpi qaltaq ỹe'eguelaxalec da nachoxoreetacot Ñim Nataxala', nache Ñimaye qaltaq huo'o naqa'en so nachaañi da yaqto' nca'alaxatec somayepi. Nache lca'ateua'a som chegoxoguet so maiche lauo' le'ecpi so Benjamín, qaq somaye lo'onataxanaxat na ne'emaq lhuaq, le'enaxat Aod, som llalec so Gera. Qaq huo'o so na'a'q nache so Israel le'ecpi, ỹamaxa so nta'a Eglón aso lsheetenaxanaqte somayepi nache dachoxoolec so Aod.

Malaquías 1:4

Qaq nam Edom le'ecpi, maye chegoxoguet so Esaú, da 'enapec: ‹Ỹataqta qomi' qailaxachiguilo, qalaxaye qaltaq ño'oxonaxasheguem qome nam qailaxachigui co'ollaxa ne'ena qana'alhua›, qalaxaye Ñim Nataxala' maye Qaica ca Ỹaqalanapec, 'eeta' qome: Namayepi qaltaq no'oxoosheguem qome na lalamaxatpi, qalaxaye Aỹem qaltaq selaxachigui qome. Nache na lma' namayepi le'enaxat qome da ‹'Alhua maye lma' na qauem› qataq ‹Nhuo' le'ecpi maye nache 'eetai' da huetalec da layeloxo Ñim Nataxala'›

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Salmos 78:34

Ñim Lo'onatac 'Enauacna naxa da ỹo'otec da l-leuaxa somayepi, nache somayepi qaltaq ỹe'eguelaxa da nmittaique Ñimaye.

Deuteronómio 28:43

Qaq ca chegaqauecpi maye netaña que'eca 'ana'alhua qalaq ỹataqta nquictauec da 'añaxaicpi, qaq 'am qalaq nquictañi da 'ara'añaxac.

Jueces 6:7

Qaq so Israel le'ecpi co'ollaq iỹaxanot Ñim Nataxala' da yaqto' isoueeguesop so madianiitapi,

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Jueces 10:10

Huaña nache so Israel le'ecpi iỹaxanot Ñim Nataxala' da yaqto' itauan somayepi nache, 'eeta': «'Am Qanatamnaxala', qomi' huo'o da qarasouaxashet 'am hueto'ot, cha'aye 'am qolqa'ai, souaxat da so'onataxanaqtacot na ỹotta'a't ne'enaqtac lqui'ipi so Baal.»