Jueces 6:39 - La'aqtaqa Ñim Lo'onatac 'Enauacna 2013

³⁹ Qalaxaye so Gedeón qaltaq 'enapeco': «'Onaxaic da saishet da aỹem 'aualemataỹa 'Am Nataxala', cha'aye qaltaq 'am she'eguelaqot, qalaxaye sauotaique da qaltaq she'eguen ne'ena qagueta laue. Qaq nagui qalaq sauotaique da daqaqta qome ne'ena qagueta laue, nache nda'a't na 'alhua da ỹapapiaxatta qome ca 'aỹa.»

Jueces 6:39 Referans Kwoze

Génesis 18:32

Qaq so Abraham, qaltaq ỹe'eguelaxalec co'ollaxa da denataxan, 'eeta': «Ñaq aỹem 'anqouaguec 'Am Ỹataxala', saishet da aỹem 'aualemataỹa, qalaxaye nache pa'atec nagui da 'am senat, ¿ca qonetec da huo'otaq 'aulaleguete caua diez?» Nache Ñim Nataxala', 'enapeco': «Qomye da huo'oi caua diez, nache saishet qome da selaxachigui yi'iye huaqta'a't nỹecpi.»

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Hechos 28:28

Qaq da pa'atec la'aqtac so Pablo 'eeta': ¡Ỹataqta 'eesa da Ñim Lo'onatac 'Enauacna da huotaique da nca'alaxatec nam saishet da judiopi! ¡Cha'aye namayepi ỹataqta na'axaỹaxan!»

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Jueces 6:38

Qaq nache ipacchigui da 'eetec de'era. Nache so Gedeón co'ollaq ñisheguem so nte'etom so lỹa na'a'q, nache nlomtac so 'aỹa maye huetaigui so qagueta laue, nache ỹataqta nlaxatchigui naqa'en aso 'oonole ỹomaxaqui.

Jueces 6:40

Qaq nacheso se'eso pe da Ñim Lo'onatac 'Enauacna nache 'eetec de'era. Nache se'eso lỹa na'a'q se'eso qagueta laue nachesota da daqaqta, qaq na 'alhua qalaq nlaqaalec so 'aỹa.

Génesis 18:30

Qalaxaye so Abraham qaltaq ỹe'eguelaxalec da, 'enapec: «'Am ñachoxonnot da saishet da aỹem 'aualemataỹa, souaxat dam she'eguelaxattalec inataxanaxac, ¿qaq da huo'otaq 'aulaleguete caua treinta?» Nache Ñim Nataxala', qaltaq ỹasateguet somaye, 'eeta': «Qomye da huo'oi caua treinta, nache sechoxoren qome yi'iye huaqta'a't nỹecpi.»