Jueces 6:37 - La'aqtaqa Ñim Lo'onatac 'Enauacna 2013

³⁷ nache aỹem sanaña nagui ne'ena daqaqta qagueta laue ye huaña da qaichegoq na trigo. Qaq qoyo'oxoñi nte'etom da ỹapapiaxatta na 'aỹa namaye, qaq na 'alhua qalaq 'enauac da daqaqta, huaña nache saỹateeta qome da ỹoqta 'eesa da aỹem 'auo'onataxana da 'anca'alaxatec na Israel le'ecpi, cha'aye nachera da qonapec.»

Jueces 6:37 Referans Kwoze

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.

Salmos 72:6

Qataq 'eeta'am qome na auot da ipettalec ca nanaxanaqa', qataq na sheue da ipettalec ana 'alhua.

Deuteronómio 32:2

Ne'ena ỹapaxaguenataxanaxac, 'eeta'am qome ca 'auot da anactañi, qaq na ỹa'aqtacpi qalaq 'eeta'am qome ca 'aỹa, qataq 'eeta'am ca loiquiaxa da talec ca 'auaqpi, qataq 'eeta'am aca llo'oxo ca 'etaxat da talec aca huoue.

Jueces 6:17

Nache so Gedeón 'enapeco': «Da ỹoqta 'eesa da huo'o da 'arqouagaxanaqtaic da sheeta, qaq no'on qome da 'auauo'o ca 'ara'anec da yaqto' ỹataqta 'itchiguiñi da 'eesa da aỹem 'autaqtegue'.

Jueces 6:36

Nache so Gedeón 'enapego' Ñim Lo'onatac 'Enauacna, 'eeta': «Da ỹoqta 'eesa da aỹem 'auo'onataxana da 'anca'alaxatec na Israel le'ecpi, cha'aye nachera dam qonapec,

Jueces 6:38

Qaq nache ipacchigui da 'eetec de'era. Nache so Gedeón co'ollaq ñisheguem so nte'etom so lỹa na'a'q, nache nlomtac so 'aỹa maye huetaigui so qagueta laue, nache ỹataqta nlaxatchigui naqa'en aso 'oonole ỹomaxaqui.

Génesis 24:14

Qaq 'onaxaic qome da aỹem 'auasheetem aca qa'añole, acam shenapega, sheeta': ‹Ñaq aỹem 'arqouaguec, 'anqaañi ana 'araco'oña 'alhua da yaqto' ñeỹomgui,› qataq aỹem ỹasateguet qome acamaye, 'eeta': ‹Aja', 'anỹom, qataq nataqa'en sanem ca laquip 'etaxat naua 'arelo cameello,› qaq no'on da nachaca qome aca 'arca'aguishe da yaqto' lhua ñi 'aramaxashec Isaac. Qaq huaña qome, nache ỹataqta 'eesa ñaqa'en da talec da 'arauotaxanaqtaic ñi ña'aco'.»