Jueces 6:36 - La'aqtaqa Ñim Lo'onatac 'Enauacna 2013

³⁶ Nache so Gedeón 'enapego' Ñim Lo'onatac 'Enauacna, 'eeta': «Da ỹoqta 'eesa da aỹem 'auo'onataxana da 'anca'alaxatec na Israel le'ecpi, cha'aye nachera dam qonapec,

Jueces 6:36 Referans Kwoze

Jueces 6:14

Nache Ñim Nataxala', ỹataqta ỹalletot somaye nache, 'eeta': «'Am, qouelec qome de'era 'ara'añaxac da 'ausoueeguesop na Israel le'ecpi da la'añaxac ye madianiitapi. Qaq peta'a ¿saisheto' da Nachaỹem da 'am samaq?»

Mateo 16:1

Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

2 Reyes 20:9

Nache so Isaías 'enapeco': Qomye 'era qome da la'anaxat da 'auaỹaten da ỹoqta 'eesa Ñim Nataxala', da ipacchigui qome da la'aqtac, 'eeta': ¿Peta'a 'auauotaique da diez grado da hua'au na lpaqal añi nala', huo'otaq da diez grado da ñe'eguelaq na lpaqal añimaye?

Génesis 15:8

Qalaxaye so Abram 'enapeco': «'Am Nataxala' qataq Atamnaxala', ¿ca 'eeteco' da saỹaten da ỹoqta 'eesa, da aỹem 'aỹa'anem qome ne'ena 'alhua?»

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

Jueces 6:37

nache aỹem sanaña nagui ne'ena daqaqta qagueta laue ye huaña da qaichegoq na trigo. Qaq qoyo'oxoñi nte'etom da ỹapapiaxatta na 'aỹa namaye, qaq na 'alhua qalaq 'enauac da daqaqta, huaña nache saỹateeta qome da ỹoqta 'eesa da aỹem 'auo'onataxana da 'anca'alaxatec na Israel le'ecpi, cha'aye nachera da qonapec.»

1 Samuel 14:10

Qalaxaye da qomi' 'enapegalo da saxasheguemec yemayepi, nache saxasheguemec qome, cha'aye damaye nachera da la'anec qome Ñim Nataxala' da qomi' ỹanema da qoroxonec.

Isaías 7:11

'Auỹaxanot Ñim Nataxala', maye 'Anatamnaxala' da 'am ỹanem ca la'anec maye sa qaỹauanapega, na'aictaxa da huaña na ỹataqta pa'aguiñi ana 'alhua, huo'otaq ca ỹataqta qaỹoqotcheguemec na piguem.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›