Jueces 6:33 - La'aqtaqa Ñim Lo'onatac 'Enauacna 2013

³³ Qaq ime, nache 'enauac so madianiitapi, amaleciitapi, qataq 'enauac so chegaqa'ague da pa'aỹa'ague da nala' lliguisheguem huaxaỹa't, nache ỹa'axasoxoolec so tala Jordán, nache hua'a so ca'amegue ye Jezrel da ỹanaña so lpe'lpi.

Jueces 6:33 Referans Kwoze

Josué 17:16

Nache somayepi 'enapeco': «Aja', 'eesa da sa ñaloxolec ayem qasoxonaxapi. Qalaxaye ye Canaán le'ecpi maye netalec ye nalochiguiñi 'alhua, yemayepi huo'o aye nalaataxaquipi laigona lcat, qataq nache 'ena'am ye netaña ye Bet Seán, qataq ye lauoreuapi nma'piolec, qataq yem naña ye ca'amapega't ye Jezrel.»

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Salmos 3:1

'Am Nataxala', ỹataqta qalota na ñepa'aguenaxauapi, qataq qalota na aỹem dataỹa'aguet,

Da na'aqtaguec so Job 1:3

qataq siete mil aso lalo qaguetapi, tres mil aso cameellopi, mil so lauegaxanaxala'pi huaca, qataq quinientos so 'ashenapi, qataq ỹataqta qalota so l-latacpi. Qaq somaye nacheso so ỹataqta sallaxanec 'enauac som netaña da nala' lliguisheguem.

1 Crónicas 5:19

Qaq somayepi nacheso so nalaate' so agareenopi, qataq so Jetur, Nefís qataq so Nodab,

1 Reyes 21:1

Qaq co'ollaq mashe qaỹoqtegue de'era, nache so Nabot maye lma' ye Jezrel, somaye huo'o so lanaxanaqa' uva lma', huaña som saqaỹapeque so lma' lta'araic so nta'a Ajab, maye naña ye Samaria.

1 Reyes 18:45

Nache so Ajab, huenongui aso laigona, nache taỹa ye Jezrel. Qaq na piguem mashe naueguelec so lo'oc, nache ỹataqta napalñi, qataq huo'o so la'at, nache anac so ỹataqta lta'araic auot.

Jueces 7:24

Nache so Gedeón ỹauo'o so lamaxashecpi da nqo'ona ye 'alhuapi maye huaña aso qasoxonaxapi ye Efraín, nache 'enapega som ỹalleppi so maiche nhuo' le'ecpi da huenotec da delogui' so madianiitapi. Nache nauan so ñeguetapi so tala Bet Bará qataq so Jordán, co'ollaq saxanaxa da ivita yemaye. Nache som chegoxoguetpi so Efraín, ỹo'ot de'era qaỹamaxalec,

Josué 19:18

Qaq se'eso 'alhuapi, nache lỹaueegue' som huaiguipi huaqta'a't nỹecpi: Jezrel, Quesulot, Sumen,

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

Génesis 29:1

Qaq so Jacob, qaltaq jec da nqo'ona ye na'alhua som nala' lliguisheguem le'ecpi.

1 Reyes 4:30

Qaq da laỹaanec so Salomón ỹataqta napacalec so ỹaanaxanaxaicpi maye lma' da pa'aigue da nala' lliguisheguem qataq so Egipto le'ecpi.

Ezequiel 25:4

Qaq ỹoqo'oye qami' sanegueta qome da la'añaxac na shiỹaxauapi maye lma' ye pa'aigue da nala' lliguisheguem, yaqto' yemayepi deuotaxanec qome na qana'alhuai, nache ỹo'ot na lanataqa'pi, qataq ỹanaña namaye na lma'pi. Qaq yemayepi qome chectac na ala na qorañiguishiqui qataq nỹomtapigui na lche' ana qareloi huacapi.

Oseas 1:5

Qaq que'eca na'a'q, nache huaña ñaqa'en ye ca'amapega't ye Jezreel, da huacaigui ñaqa'en ca lchecnec ye Israel.»

Jueces 7:1

Nache so Gedeón, maye le'enaxat nataqa'en da Yerubaal, qataq 'enauac so nnaictague'pi, no'ottasheguem co'ollaxa da yaqto' nqo'ona so saqaỹapeque yem huaña na npaxaatasheguem 'etaxat ye Jarod nache ỹanaña so lpe'lpi. Qaq so naña so lpe'lpi so madianiitapi, qalaq pa'aỹa'ague da sheu' yem huaña so ca'amegue maye hueto'ot so loigue añi lcomaraxalate More.

Jueces 7:8

Nache so Gedeón ỹe'eguelaxat so laỹepi Israel le'ecpi da ỹe'eguelaxa so netaña so lpe'lpi, qalaxaye no'onaxatañi so trescientos da yaqto' nacheso so pa'aỹa'aguet da ỹache so nallec, qataq asom lasheerepi peenaq lcouepi. Qaq so lanataqa' so madianiitapi, nache huaña so ca'amegue maye npa'aỹañi ye hueta'a so Gedeón.