Jueces 6:30 - La'aqtaqa Ñim Lo'onatac 'Enauacna 2013

³⁰ «¡Ña 'anqatec ca 'aỹa'alec, yaqto' salauataq, cha'aye camaye nlaxaañi aso qarca'atoxonaxalate da ñatamnaqot so Baal, qataq iquesoq so na'attañi 'epaq maye lqui'i aso Aserá maye huaqta'ai' aso nca'atoxonaxalate!»

Jueces 6:30 Referans Kwoze

Filipenses 3:6

Qaq ỹataqta huo'o da iuogoxo da sepaqueelec co'ollaxa na namaxasoxonaxacpi, ỹoqo'oye sevira'a da secaatac nam ỹa'amaqten so Jesús. Qaica ca ishet da ỹauo'o ca ỹasouaxashet da 'eetega da sa sepaguelec na namaxasoxonaxacpi.

Hechos 26:9

Aỹem co'ollaxa ỹataqta saỹateeta da iuennataxac, da ỹataqta sataỹa'aguet de'era le'enaxat So Jesús maye Nazaret le'ec.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Jeremías 50:38

Qaq 'enauac ana npaxaatasheguem na le'ec 'etaxat maye hueta'a yemaye qalaq deqaqa qome. Cha'aye yi'iye 'alhua Babilonia yemaye hueta'a na nqolacpi maye ỹataqta qaiqaiga, qaq nachena nam ỹasouaxat da deqat da ntoonaxac yemayepi.

Jeremías 26:11

Huaña nache so ntaxaỹaxanaxanecpi qataq so na'aqtaxanaxanecpi, da'aqtaxanem so nataxala'pi qataq so nhuo' le'ecpi, 'eeta': «De'era ỹale iuen da qaỹalauat, cha'aye ỹa'axatta'a da qailaxachigui qome ne'ena huaqta'a't nỹecpi. Qaq qami' qaua'aqaichigui damaye.»

Jueces 6:29

Nache ñi 'oonolec somayepi nnattague' na maiche lauoreua, 'eeta': ¿Chaq negue't ca ỹo'ot de'era? Qaq so mashe lcopa'ague da nchemaqtaxanaxac, nache qaỹaỹaten da so ỹo'ot de'era, nacheso so Gedeón, som llalec so Joás. Huaña nache qanqo'ona so Joás, nache qoỹeetega qoỹeeta':

Jueces 6:31

Qalaxaye so Joás 'enapego' somayepi, 'eeta': «¿Qalaq qansheetaico' da qavicheelec som Baal qataq qauloquiilec? Qalaxaye cam iueelec so Baal, nache qom qaỹata'aguet na na'a'q nache camaye ileu. Qaq da ỹataqta 'eesa da atamnaxala' som Baal, qaq no'ono' da qauauaqaita'a da maiche nhueela't, cha'aye maiche lalamaqte aso nca'atoxonaxalate maye qanlaxaañi.»