Jueces 6:25 - La'aqtaqa Ñim Lo'onatac 'Enauacna 2013

²⁵ Qaq nacheso se'eso pe da Ñim Nataxala' 'enapega so Gedeón, 'eeta': «'Auaconeua'a qome ca 'oonolec huaca maye mashe ivi' naua siete vi'iye, 'auachegoxotaigui nam na'atetpi ñi 'arta'a, ime, nache 'anlaxaañi añi nca'atoxonaxalate maye nauaxaỹaxaasheguem co'ollaxa ñi 'arta'a da yaqto' qanatamnot so Baal, qataq 'aulaxachigui ñi na'attañi 'epaq maye lqui'i aso Aserá maye huaqta'ai' añim nca'atoxonaxalate.

Jueces 6:25 Referans Kwoze

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Éxodo 34:13

Nacherata da qanlaxachiiñi qome 'enauac aca lca'atoxonaxalatepi, qataq ca ne'enaqtac coma'pi maye atamnaxala'pi qataq ca lqui'ipi aso Aserá.

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

1 Reyes 18:21

Nache so Elías nqo'oneua'a se'eso nhuo' le'ecpi, nache 'eeta': ¿Chaq lagui da qaỹa'axañiiñi da qoquiitegueto ne'enaua dos qarhuennataxacolli'? Cha'aye Ñim Nataxala', da nacheñi Ñim ỹoqta 'eesa Atamnaxala', qalaq nacheñi qome Ñim qoquiigue, qaq da nacheso so Baal, qalaq nacheso qoquiigue qome. Nache se'eso nhuo' le'ecpi ỹataqta qaica ca detaqa.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Salmos 101:2

Sauotaique da saỹateeta da ñecỹaxac maye nalochiguiñi, qaq ¿chaq laguio' da aỹem 'anvira? Yaqto' da soota'a ye ima' qalaq nalochiguiñi da iquiyaqteỹaxac.

Da na'aqtaguec so Job 22:23

Cha'aye da 'avi'eguelaxa Ñim Qaica ca Ỹaqalanapec, huaña nache ca'ai naqa'en ye 'arma' na que'eenaxacpi.

Deuteronómio 7:5

Qaq ỹoqo'oye qanlaxachiiñi qome 'enauac aye lca'atoxonaxalatepi, qataq aye natamnaxalatepi coma', qataq ye lqui'ipi aso Aserá, nache qauavigaxache yi'iye ne'enaqtacpi maye natamnaxala'pi.

Génesis 35:2

Qaq huaña nache so Jacob 'enapega so llalaqpi, qataq 'enauac so nnaictague'pi, 'eeta': «Qaualache qome 'enauac na ỹaqa'a atamnaxala'pi maye qami' hueto'oto. Qaq ime qome, nache qanachilli, qataq qanaralaxache' naua qo'ogolle',

Jueces 2:11

Qaq huaña, nache so Israel le'ecpi ỹo'ot nam ỹataqta sa ỹaỹamaxaren Ñim Nataxala', cha'aye natameetacot na ỹotta'a't ne'enaqtacpi lqui'ipi so Baal.

Jueces 6:26

Ime, nache 'aỹa'analec yem naña añimaye da 'auaỹamaxatchiguiñi da 'ano'oxoosheguem aca nca'atoxonaxalate da qanatamnot na Nataxala' maye 'Anatamnaxala'. Ime, qataq 'auacona qome ca laỹepi ñi'iñi 'epaq maye lqui'i aso Aserá maye 'auquesoq, nache 'aualonaxana da 'auavigaxat ca 'arachetaqtaxanaxat huaca maye Aỹem 'aỹa'anot.»