Jueces 6:22 - La'aqtaqa Ñim Lo'onatac 'Enauacna 2013

²² Qaq huaña nache so Gedeón, nanoma da detaqtague' so nale Ñim Nataxala', nache 'enapeco': «¡Aicoue, 'Am Ỹataxala' maye Ñatamnaxala'! ¡Aỹem ñauane' so 'anale piguem le'ec, qataq ỹataqta satata'aguet!»

Jueces 6:22 Referans Kwoze

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Éxodo 33:20

Qalaxaye 'am sa'aqtaxaatem da saishet qome da 'aulogui da ỹashiguiỹaxac, cha'aye qaica ca shiỹaxaua da ilogui da ỹashiguiỹaxac, nache queta da nca'altauec.»

Deuteronómio 5:26

cha'aye, ¿negue'to' ca choche shiỹaxauatto da hua'aqchigui da lavilỹaxac Ñim Nataxala', chemaqtapoigui ca norec, qaq nache 'eetai' da nca'altauec da 'eeta'ama qomi'?

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Deuteronómio 5:24

nache 'eeta': «Ñim Nataxala' maye Qanatamnaxala' ỹataqta qomi' ỹachaxanalo da la'añaxac, qataq da la'amaqchec, nache sa'axasoqchiguilo naua la'aqtaqa chemaqtapoigui so norec. Qaq nagui sauanaqchigui da ca shiỹaxaua ishet da detaxaỹapegue' Ñim Nataxala' qalaq saishet da ileu.

Deuteronómio 5:5

Qaq qami' qataq Ñim Nataxala', nache sootangui na laiñi co'ollaxa, da yaqto' qami' sa'aqtaxanema na la'aqtacpi Ñimaye, cha'aye qami' qañi'iitega so norec, ỹoqo'oye saishet da qa'aỹeesheguema añi qasoxonaxa. Nache Ñim Nataxala', 'eeta':

Génesis 16:13

Qaq aso Agar ye detaqtague' co'ollaxa Ñim Nataxala', nache ỹanagui da le'enaxat: «Ñim Lo'onatac 'Enauacna maye aỹem ila'a,» cha'aye asomaye 'enapeco': «Ñim Lo'onatac 'Enauacna, aỹem ila'a co'ollaxa, qalaxaye aỹem ña ñeca'altauec.»

Jueces 6:23

Nache Ñim Nataxala' 'enapeco': «'Am talec da nlagaxayec. Qaq saishet da 'añi'i, cha'aye saishet da 'aleu.»

Génesis 32:31

Qaq mashe nnoxoosheguem co'ollaxa aso nala', nache so Jacob cheta'ague da ca'ai ye Peniel, qaq souaxat da naquiigui ana lleegue, nache huaỹoraxaata.