Jueces 6:20 - La'aqtaqa Ñim Lo'onatac 'Enauacna 2013

²⁰ Nache so nale piguem le'ec Ñim Lo'onatac 'Enauacna ỹamaxalec somaye da ỹachalec aso coma' so lapat, qataq aso nauole maye qaica ca lalegue, qaq so lli'i nache icorelec somaye. Nache so Gedeón ỹalaq da ỹo'ot de'era.

Jueces 6:20 Referans Kwoze

Jueces 13:19

Huaña nache so Manoa ỹacona so quetaq llalec, qataq aso lachetaqtaxanaqte maye chegaqaigui so ala nam nañiguishec, nache ỹachalec so coma' da lachetaqtaxanaxat ỹavigaxatta da ỹanot Ñim Nataxala'. Nache Ñimaye ỹo'ot so qaica ca 'ena'am llo'oxoyec, ỹauaachigui naqa'en so Manoa qataq aso lhua.

Jueces 6:19

Nache so Gedeón queuo, nache ỹaỹamaxaañi so quetaq llalec, qataq ỹachangui aso 'amaqtaqchigui naco'oña so 'ayiiña maye qaica ca ỹasheeraxachigui lalegue, nache ỹo'ot aso nauole. Ime, nache so lapat ỹachangui aso nallec laỹe no'oxona qataq som lli'i somaye ỹachangui aso taxaqui, nache ỹache 'enauac se'eso da irouga se'eso ale piguem le'ec maye neto'ot asa'aso qo'oipaq late'erai da yaqto' ỹanem somaye da lachetaqtaxanaxat.

Jueces 6:21

Huaña nache so nale piguem le'ec Ñim Nataxala', ỹauota'a so lsheenec aso nashelte maye nasoqta'a da nhuoiguet naqa'en so lapat, qataq aso nauole 'ayiiña. Nache se'eso coma' chegaqaigui so norec, nache somaye ỹataqta chipchiguiñi nataqa'en so lapat qataq aso nauole 'ayiiña, huaña nache so nale piguem le'ec Ñim Nataxala' 'eco' da quiguiñi.

Jueces 13:16

Qalaxaye so nale piguem le'ec Ñim Nataxala', 'enapec: Na'aictoxo' da soua'a ne'ena, qalaxaye sa seshet da sachec cam nallec maye 'auo'ot. Qalaxaye ishet da 'arachetaqtaxanaxat 'auavigaxatta que'eca quetaq llalec, da 'aỹa'anot Ñim Nataxala'.

Génesis 18:3

nache 'eeta': «'Am Ỹataxala', 'am ñachoxonnot da aỹem 'arqouaguec, saishet qome da sa 'anaỹaloxon da qojec.

Jueces 13:15

Nache so Manoa 'enapega se'eso nale piguem le'ec Ñim Nataxala' 'eeta': «Qomi' 'anqouagueque da cara'ac da 'ano'onañi, yaqto' qomi' 'arquia'axau' da sacheguenaq ca quetaq llalec maye saqataxanaqai'.»