Jueces 6:2 - La'aqtaqa Ñim Lo'onatac 'Enauacna 2013

² Qaq souaxato' so madianiitapi da ỹataqta nquictauec da la'añaxac da ỹachoxoren so Israel le'ecpi, nache somayepi ỹo'ot so lloqtaxanaxaquipi, ỹanaigui aso qasoxonaxapi, qataq so auacpi maye nqañoxotaxaquipi.

Jueces 6:2 Referans Kwoze

Hebreos 11:38

Qaq na shiỹaxauapi maye huetalec ana 'alhua saishet da huo'o naqa'en ca la'amaqchec somayepi, cha'aye somayepi choche coleeteguelec so toolec 'alhua, qataq na qaỹoqotcheguemec 'alhuapi, qataq huetaigui na auac qataq ana llimiaxañipi na 'alhua. Qaica ca ỹoqta lma'.

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

1 Samuel 14:11

Qaq huaña nache soomaye nachaxanalo co'ollaxa so filisteopi maye hueta'a so lanataqa'. Qaq somayepi, co'ollaq ila'alo soomaye, nache 'enapeco': «Ña qauloỹa na hebreopi mashe nnoxoosheguem chegoqtoigui na auacpi maye nqañoxotaxaquipi.»

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Jueces 6:3

Ỹoqo'oye so Israel le'ecpi naxa da huo'o na lañiguishec, nache so madianiitapi, amaleciitapi, qataq so shiỹaxauapi maye lma' ye pa'aỹa'ague da nala' lliguisheguem, anac naxa da iloquiaxan somayepi.

Jeremías 41:9

Qaq asa'aso nshere maye so Ismael ỹasaxangui 'enauac so leuaxaicpi maye lalaatacpi, asomaye nachaso aso damaxasoxoolec co'ollaxa da qaỹo'ot so nta'a Asá, co'ollaq deloctague' so nta'a Baasá maye lma' ye Israel. Qaq asa'aso nshere ỹataqta late'erai, qalaxaye asomaye ỹataqta nlaqchigui so leuaxaicpi maye lalaatacpi so Ismael.

Jeremías 48:28

Qami' maye qoñiitaña na Moab, qoquiỹa'ai qome na huaqta'a't nỹecpi, nache qonqo'oñiỹa ana coma'pi da qoñiỹaña, qoñeeta'am na qoto'pi maye ỹanalec na lpata'cpi naua nashecchiyiñi laỹel ana coma'pi.

Jueces 10:8

Huaña, nache ivi' dieciocho vi'iye da so filisteopi, qataq so 'amoniitapi da sa iyacnapec 'enauac so Israel le'ecpi maye netaña ye Galaad maye pa'aỹa'ague da nala' lliguisheguem so tala Jordán, ye lma' co'ollaxa so amorreopi.

Jueces 10:9

Qaq nataqa'en so 'amoniitapi ỹa'axasoxoolec so tala Jordán da yaqto' delogui' so maiche nhuo' le'ecpi maye chegoxoguetpi so Judá, Benjamín qataq so Efraín. Nache so Israel le'ecpi ỹataqta sa la'axaic da lhuogoxo.

Da na'aqtaguec so Job 30:6

ỹoqo'oye netaigui naxa na auacpi, qataq na la'auaxac deqaqta, qataq neto'ot na tocotpi ana coma',