Jueces 6:15 - La'aqtaqa Ñim Lo'onatac 'Enauacna 2013

¹⁵ Qalaxaye so Gedeón qaltaq 'enapec: «'Am ỹataxala' ñaq aỹem 'anqouaguec, ¿ca 'eeteco' da ñeca'alaxatec na Israel le'ecpi? Ye nam ỹalamaxat ihuo' le'ecpi namayepi ỹataqta choxoraqpi, da ỹalectaigui na laỹe nhuo' le'ecpi maye chegoxoguetpi so Manasés. Qataq aỹem ye ỹataqta qaica ca ỹa'amaqchec.»

Jueces 6:15 Referans Kwoze

1 Samuel 9:21

Nache so Saúl 'enapeco': Aỹem sachegoxoguet na lauo' le'ecpi so Benjamín, qaq namayepi nachena nam maiche nhuo' maye ỹataqta sa lamai'pi na Israel le'ecpi! Qataq yem maiche ỹalamaxat ỹaqaỹañicpi qalaq ỹataqta qaica ca la'amaqchec da ỹalectaigui na laỹepi lauo' le'ecpi so Benjamín. Qalaq ¿ta'ainco' da aỹem 'aua'aqtaxaateguem 'enauac de'era?

Éxodo 3:11

Qalaxaye so Moisés 'enapego' Ñim Lo'onatac 'Enauacna, 'eeta': «¿Negue't aỹem, da yaqto' ñachaateua'a ñi faraón da yaqto' ñeqateeguesop ye Egipto ye Israel llalaqpi?»

Éxodo 4:10

Qalaxaye so Moisés 'enapego' Ñim Nataxala', 'eeta': «¡Aicoue, 'Am Ỹataxala'! ye aỹem na'aprapeguec naxa naua ỹa'aqtaqa da setaqa. Qaq damaye nache 'eetai', saishet da cheta'ague nagui da 'autaqtague' ne'ena 'arlatac, cha'aye nache 'eetai' soua hua'au' vi'iye aỹem 'apaic, qataq ỹaqalanec da itaxaỹaxac.»

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

1 Corintios 15:9

Cha'aye aỹem qaica ca ỹa'amaqchec, saq shena'am na laỹepi lamaxashecpi So Jesús, qataq sa yaloua'a da aỹem qoỹanagui da aỹem lamaxashec Somaye, cha'aye secaatac na ỹa'amaqteetacpi co'ollaxa.

Lucas 1:34

Nache aso María inat so namaxashec, 'eeta': –¿Chaq hua'ague ca 'eetec ca lataxac de'era ye aỹem saxanaxa da saron?

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Jeremías 50:45

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Babilonia, qataq dam so'ottac lataxac da sataỹa'aguet na lma' ye Caldea. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome

1 Samuel 18:23

Nache so ltauapi so Saúl jec nqo'ona so David da da'aqtaxanem 'enauac de'era, qalaxaye somaye 'enapeco': «¿Peta'a qaupi'itaxañiitega da saqalaq da ivira'a da laronaxanec ñi nta'a ca choxoraq, qataq qaica ca ye 'eeta'am aỹem?»

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.