Jueces 6:12 - La'aqtaqa Ñim Lo'onatac 'Enauacna 2013

¹² Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

Jueces 6:12 Referans Kwoze

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Lucas 1:11

Nache nque'elaxatta da so lamaxashec Ñim Lo'onatac 'Enauacna nachaxana so Zacarías, netaua'a na aloic aso nca'atoxonaxalate.

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

Jueces 6:13

Nache so Gedeón ỹasateguet somaye, 'eeta': «'Am Ỹataxala', da qomi' hueta'agueta Ñim Nataxala', nache ¿ta'ainco' da qomi' taleguete 'enauac ne'ena qauempi? ¿Qaq hueta'ago' 'enauac ca lta'araicpi ño'oxoyecpi maye sa qaỹauanapegapi maye qomi' da'aqtaxaatapeguema naxa som hua'au qarta'alpi, da Ñim Nataxala' qomi' nqateeguesopa co'ollaxa ye Egipto? Qaq nagui Ñim Nataxala' qomi' ca'aisalo, nache qomi' ỹanegueta da la'añaxac ye madianiitapi.»

1 Samuel 10:7

Qaq qom ivita da ipacchigui 'enauac de'era 'am sa'aqtaxanem nagui, nache 'auo'ot qome ca 'aupeta'a da ỹaỹamaqchiguiñi, cha'aye Ñim Lo'onatac 'Enauacna 'am hueta'aguet qome.

Deuteronómio 20:1

Qom mashe qaunoxoñiiuec da qauloqui' ca qampa'aguenaxauaipi, nache da qauloỹa'a da ỹataqta qalota ca nalleppi, napacalec ye lcata da qoñiita, qataq netalec ca lalo caipi qataq aca nalaataxaquipi naigonapi, nache saishet qome da qayi'iỹai. Cha'aye qami' hueta'agueta Ñim Nataxala' maye Qanatamnaxala'ai, Ñim qami' nqateeguesopa co'ollaxa ye Egipto.

Jueces 11:1

So Jefté maye galadiita, somaye alaataxaic qataq ỹataqta 'añaxaic. Qaq somaye nache llalec aso 'alo quisheguetaxai, qaq so lta'a somaye le'enaxat Galaad.