Jueces 6:11 - La'aqtaqa Ñim Lo'onatac 'Enauacna 2013

¹¹ Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

Jueces 6:11 Referans Kwoze

Josué 17:2

Nataqa'en qanallichigui so 'alhua da yaqto' taỹot qanqa'en so laỹepi llalaqpi so Manasés, nache qanaloqchiichigui ye lcata so maiche lalamaxat llalaqpi somayepi, som: Abiezer, Hélec, Asriel, Siquén, Jéfer qataq so Semida, maye nataqa'en llalqa so Manasés qataq maiche laua'alle so José.

Hebreos 11:32

Qaq ¿negue't ca lỹa ishet da qami' sa'aqtaxanema? Cha'aye mashe qaica ca iraqa' da qami' sa'axatema da lpi'iỹaxac Ñim Lo'onatac 'Enauacna so Gedeón, Barac, Sansón, Jefté, David, Samuel, qataq so laỹepi la'aqtaxanaxanecpi Ñimaye.

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Jueces 8:2

Nache so Gedeón ỹasategueto' somayepi, 'eeta': «¿Peta'a sa qauaỹachiñi da ỹataqta lta'araic da qauo'oche, saq 'ena'am dam so'ot? Cha'aye de'eratai' qauo'oche ỹataqta napacalec dam so'otaq.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

Jueces 5:23

Qaq so nale piguem le'ec Ñim Nataxala' da'aqtaxan, 'eeta': ‹¡Talec qome ca nhuaxanaguec ye Meroz qataq yem shiỹaxauapi maye lma' yemaye!› Cha'aye saishet da ỹalaxaguet da lỹaxanaxac Ñim Nataxala', qataq da itauan na 'añaxaicpi nalleppi Ñimaye.

Josué 18:23

Avim, Pará, Ofrá,

Números 26:30

qaq 'esoua soua maiche lalamaqa'ate llalqa so Galaad, Yézer, Jélec,

Jueces 6:12

Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

Jueces 13:6

Nache asa'aso 'alo jec da da'aqtaxanem so lhua, 'eeta': «Huo'o so nale Ñim Lo'onatac 'Enauacna maye naỹa ye soota'a. Qaq da lataxac somaye ỹataqta ỹo'ot da ỹa'aalaxa, cha'aye 'eeta'am da lashiguiỹaxac nam nale piguem le'ec Ñim Nataxala'. Qaq aỹem saishet da senat ca chegaqa'ague, qataq somaye saishet da aỹem da'aqtaxanem ca 'eetec ca le'enaxat.

Jueces 9:5

Nache taỹa ye Ofrá, ye lma' co'ollaxa so lta'a Yerubaal, nache hualec naqa'en aso coma' da ỹalauat so setenta lqaỹañecpi somaye, maye llalaqpi so lta'a. Qalaxaye nachesota so Yotán maye llalec na'asa so Yerubaal, da nqañoxooñi co'ollaxa, ỹoqo'oye ishet da datauec.

1 Reyes 19:19

Nache so Elías jec, ca'ai yemaye, nache natenalec so Eliseo, som llalec so Safat, maye da'araxaatac. Qaq somaye datataueegue so doce so nauaxaỹaxauapi lauegaxanaxala'pi huaca, qaq somaye nache ca'attaueegue somayepi. Nache so Elías co'ollaq nlectot somaye, nache ỹasaxalec na lallac somaye so lapo'.