Jueces 6:10 - La'aqtaqa Ñim Lo'onatac 'Enauacna 2013

¹⁰ Qataq Aỹem, qami' sa'aqtaxanema co'ollaxa da Aỹem, nachaỹem Nataxala' maye Qanatamnaxala'ai, qataq da saishet da qayi'iitega so natamnaxala'pi so amorreopi, maye na'alhua co'ollaxa ne'ena qoñiitalec nagui, qalaxaye saishet co'ollaxa da Aỹem qaualaqaiguet.›»

Jueces 6:10 Referans Kwoze

Jeremías 10:2

Ñim Nataxala', 'eeta': «Saishet qome da qoquiigue da lataxac na laỹepi ỹotta'a't shiỹaxauapi qataq saishet qome da qami' icolanaqche't nam na'anecpi na piguem da qoñiita'am da lataxac ne'ena ỹotta'a't shiỹaxauapi.

Jeremías 9:13

Qaq Ñim Nataxala' ỹasat, 'eeta': «'Enauac ne'enapi da huo'o, cha'aye nam Israel le'ecpi ca'ai nam ỹapaxaguenataxanaxacpi maye sanem co'ollaxa, nache saishet Aỹem ỹalaxaguet qataq saishet da napaxaguena da ỹo'ot.

Jeremías 43:7

Qaq 'era da 'eetec somayepi, da saỹalaxaguet da lamaxasoxonaxac Ñim Nataxala', nache 'enauac somayepi da taigue da Egipto, nache ivira'a co'ollaxa ye nỹecpi maye naña ye 'alhua Tafnes.

Jeremías 43:4

Qaq 'era da 'eetec so Johanán, qataq som lataxala'pi so alleppi, qataq som laỹepi shiỹaxauapi, da saishet da naña yem na'alhua so Judá, nache saishet da ỹalaxaguet da lamaxasoxonaxac Ñim Nataxala'.

Jeremías 42:21

Qaq ne'ena na'a'q, aỹem qami' sa'axattapeguema dam aỹem ỹanem Ñim Nataxala' da qami' sa'axatema, qalaxaye qami' saishet da qaualaqai.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Jueces 2:2

qom saishet da qanaỹamaxache' nam lma' ne'ena 'alhuapi, nachaqrata da qanlaxachiiñi ana lca'atoxonaxalatepi.› ¡Qalaxaye qami' saishet da aỹem qaualaqaiguet! ¿Ta'ainco' da qoñeetec de'era?

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Romanos 10:16

Qalaxaye saishet da 'enauac da qaỹaconeguet de'era no'on na'axaỹaxac. Qaq ipacchigui da la'aqtac so Isaías co'ollaq 'eeta': «'Am Nataxala', ¿negue'tom ca ishet da ỹa'amaqten da qara'aqtaxanaxac?»

Sofonías 3:2

Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.

Proverbios 5:13

¡Qataq da sa ña'axaỹaxana so ñapaxaguenaxala'pi, qataq saishet da selo'oguet som aỹem huaqattegapi,

2 Reyes 17:33

Qaq na'aictaxa da somayepi natameetacot Ñim Nataxala', qalaxaye nache 'ena'am queto'ot da natameetacot so maiche natamnaxala'pi, maye maiche lataxac som ỹotta'a't shiỹaxauapi maye chegaqa'a co'ollaxa somayepi.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

Jueces 6:9

qaq saishet da nachaqrata da qami' ñeqateeguesopa yem egipciopi, cha'aye nataqa'en som laỹepi maye qami' sa iyacna'ape. Qaq somayepi qauauañiichigui ñaqa'en da so'orauec, nache qami' sanema na na'alhuapi somayepi.

2 Reyes 17:7

Qaq de'era, qanayeuaigui co'ollaxa souaxato' da so Israel le'ecpi, huo'o da npe'enaxac da dataỹa'aguet Ñim Nataxala' maye Natamnaxala', maye nqateeguesop co'ollaxa ye Egipto, qataq da la'añaxac so faraón, maye nta'a ye Egipto, cha'aye somayepi natamnot so ỹaqa'a atamnaxala'pi,

Éxodo 34:12

Saishet qome da qanaỹamaxache' na netalec yi'iye 'alhua maye qaunoxoñiiua'a qome, yaqto' saishet da qaue'enaxache da qauem lataxac yemayepi.

Éxodo 34:14

Saishet qome da qanatamñiỹot ca camachaqca atamnaxala', cha'aye Ñim Nataxala', Ñimaye ỹataqta ca'alaxanaxaic. Qaq da le'enaxat Ñimaye 'eeta': Ñim Lo'onatac 'Enauacna maye qaica ca ishetapec.

2 Reyes 17:13

Qataq Ñim Nataxala', mashe ime co'ollaxa da 'enapega so Israel le'ecpi, qataq so Judá le'ecpi, ỹachegoxotchigui so la'aqtaxanaxanecpi qataq som huo'oi naua l-loxoco, co'ollaq 'eeta': «Qoquiỹa'ai qome na qauem maye qauo'ocheetac, nache qaupaquiichiguilo naua ỹamaxasoxonaxaco, iqataxaco, qataq naua ỹapaxaguenataxanaxaco, maye samaxalec co'ollaxa so hua'au qarta'ailpi, maye sachegoxotchigui co'ollaxa som ỹa'aqtaxanaxanecpi maye ỹamaxashecpi.»

Nehemías 9:29

Qataq 'auamaxalec da ỹalaxaleguete naua 'arqataxaco, qalaxaye somayepi ỹaguec da na'amqaanaxac nache 'am sa ỹalaxaguet, qataq sa ỹalaxalec na 'aramaxasoxonaxacpi, nache dataỹa'aguet na lataxacpi maye 'alapaxañi, maye ỹo'ot da lca'alaxa cam ỹalaxalec namayepi, qalaxaye somayepi ỹataqta saỹalaq, nache 'am saiqocha'a, qataq ỹoqta qaramchiguilo naua lqaigo, nache 'am sa na'axaỹaxana.

Jeremías 17:23

Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.